Tbilisi/14.06.18/Turan: Bidzina İvanişvili hakim partiyanın lideri olaraq baş nazir olmalıdır, bu barədə Gürcüstan prezidenti Georgi Marqvelaşvili bildirib.
Marqvelaşvilinin sözlərinə görə, Gürcüstanda maskarada son qoyulmalıdır, cəmiyyət kimin və niyə baş nazirləri vəzifədən kənarlaşdırdığını bilmir.
"Dünən baş nazir vəzifədən getdi və dedi ki, partiya sədrinə, yəni Bidzina İvanişviliyə yeni hökumət qurmağa imkan verməlidir. Hesab edirəm ki, bu proseslər cəmiyyət üçün daha aydın olmalıdır. Düşünürəm ki, cəmiyyət üçün müvəffəqiyyətli olan baş nazirlərin niyə birdən-birə vəzifədən getdiyi aydın olmalıdır, əvvəlki baş nazir Qaribaşvili kimi.
Avropa seçimindən və Avropa dövləti qurulmasından danışırıqsa, orada baş nazirlər hakim partiya liderləridir. Deməli, Bidzina İvanişvili hakim partiyanın lideri olaraq baş nazir olmalıdır, cəmiyyətə aydın olan məsuliyyətli siyasətdən, dövlət prosesinin formalaşdırılmasından danışırıqsa...", deyə Georgi Marqvelaşvili bildirib. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz