Bakı/21.08.19/Turan: Avqustun 21-də Bakı Apellyasiya Məhkəməsində hakim Rizvan Səfərovun sədrliyi ilə istintaq təcridxanasında aclıq edən realliq.info saytının redaktoru İkram Rəhimovun işi üzrə iclas keçirilib.
İclasın əvvəlində Rəhimov deyib ki, avqustun 7-də hazırlıq iclasında məhkəmə müdafiə tərəfin təkrar məhkəmə istintaqı haqqında vəsatətini təmin etməyib. Rəhimovun zərərçəkmişlə danışığının audioyazısının təkrar ekspertizası haqqında vəsatət də təmin edilməyib.
Onun sözlərinə görə, bütün bu materiallar saxtalaşdırılıb. Bu səbəbdən Rəhimov "qanunsuz" cinayət təqibinə son qoyulması tələbi ilə avqustun 7-dən aclığa başlayıb. Məhkəməyə etibar etmədiyini bildirən Rəhimov hakim heyətinə etiraz edib.
Bununla əlaqədar məhkəmə iclası avqustun 28-nə təxirə salınıb.
* Rəhimov hədə yolu ilə pul tələb etmək ittihamı ilə 5,5 il müddətinə azadlıqdan məhrum edilib. Amma o, təqsirini etiraf etməyib. Rəhimov yüksək vəzifəli dövlət məmurlarının qanunsuz əməllərini ifşa etdiyinə görə həbs edildiyini hesab edir. -03B-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz