Bakı/07.09.19/Turan: Həbs cəzası çəkən realliq.info saytının redaktoru İkram Rəhimov 1 saylı Bakı İstintaq Təcridxanasından KİV-ə altı səhifəlik geniş məktub göndərib.
O, bir daha saxta ittihamla cinayət təqibinə məruz qaldığını bəyan edir, təqib olunmasının səbəblərini ətraflı şəkildə təsvir edir.
O təkrar edir ki, ölkə prezidentinin köməkçisi Əli Həsənovu və onun nəzarəti altında olan Mətbuat Şurasını tənqid etdiyinə görə cəzalandırılıb.
Rəhimov yazır ki, hələ iki il əvvəl Mətbuat Şurasının üzvü, "İki sahil" qəzetinin redaktoru onu təhdid edərək, saytdan SOCAR "Qazma işləri kompleksi" trestinin rəisi İsgəndər Şirəli və onun qardaşı - Neftçala Enerji Şəbəkəsinin rəisi Vurğun Şirəliyev haqqında şəhid ailəsinin üzvlərinin hüquqlarının pozulması ilə bağlı tənqidi nəşrləri saytdan silməyi tələb edib.
Rəhimov xatırladır ki, onun bir neçə saytı Əli Həsənovun dövlətin KİV-ə maliyyə yardımının istifadəsi zamanı sui-istifadə hallarına yol verməsi haqqında materiallardan sonra bloklanıb.
Bu nəşrlərdən sonra Prezident Administrasiyasında Həsənovun müavini Vüqar Əliyev Rəhimovu təhdid edərək, Həsənovu tənqid etməyə son qoymağı tələb edib.
Rəhimov xatırladır ki, 2018-ci il oktyabrın 26-da Həsənov haqqında növbəti tənqidi nəşrdən bir neçə saat sonra saxlanılıb.
Mətbuat Şurasının roluna toxunan Rəhimov Jurnalistlərin Həmkarlar İttifaqının rəhbəri (!) Müşfiq Ələsgərlinin Rəhimovun cəzalandırılması tələbi ilə hüquq-mühafizə orqanlarına müraciət etdiyini xatırladır.
* Realliq.info saytının redaktoru İkram Rəhimov 2018-ci il oktyabrın 26-da saxlanılıb, hədələmə yolu ilə pul tələb etməkdə ittiham olunub və həbs edilib.
İyunun 12-də məhkəmə onu 5,5 il müddətinə azadlıqdan məhrum edib. Avqustun 7-də Bakı
Apellyasiya Məhkəməsində Rəhimovun işi üzrə hazırlıq iclası keçirilib. Müdafiə tərəfi təkrar məhkəmə istintaqı, birinci instansiya məhkəməsində verdikləri ifadələr saxtalaşdırıldığına görə şahidlərin və zərərçəkmişlərin yenidən dindirilməsi haqqında vəsatət qaldırıb.
Vəkil həmçinin eyni səbəbdən Rəhimovun telefon danışıqlarının audioyazısının təkrar ekspertizasının təyin edilməsini xahiş edib. Amma vəsatətlər təmin edilməyib. Etiraz əlaməti olaraq Rəhimov aclığa başlayıb, sentyabrın 5-nə qədər bu aclığı davam etdirib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz