Bakı/07.09.19/Turan: Bakıda tezliklə məşhur neft sənayesi sahibi - xeyriyyəçi Hacı Zeynalabdin Tağıyevin heykəli quraşdırılacaq. Ən yaxşı abidə layihəsi müsabiqəsində heykəltəraş Xanlar Əhmədovun layihəsi qalib gəlib.
Abidənin metronun "İçəri Şəhər" stansiyasının qarşısında quraşdırılması planlaşdırılır.
Tağıyevin rolunu və gördüyü işləri nəzərə alaraq, onun abidəsi çoxdan gözlənilirdi. Eyni zamanda, sovet dövründə 19-20-ci əsrlərin bütün digər sənaye sahibləri və xeyriyyəçiləri kimi, onun şəxsiyyəti haqqında da heç nə danışılmayıb.
Zeynalabdin Tağıyev aşağı təbəqələrdən olan, 19-cu əsrin sonlarında Bakı neft bumuna kapital yatıran insandır. Sonrakı illərdə o, öz pulu ilə Bakıya Azərbaycanın şimalındakı Şollar adlı yerdən təmiz dağ suyu boru kəməri çəkib. Bu su indiyədək paytaxta daxil olan ən yaxşı içməli sudur. Su kəmərinin 200 km-lik uzunluğunu nəzərə alaraq, həmin illərdə işlərin dəyərini və texniki çətinliyini təsəvvür etmək olar. Həmin dövrdə Bakıda içməli su tuluqlarla küçələrə daşınırdı və ya quyudan - kəhrizdən çıxarılırdı.
Qızlar üçün ilk məktəb, qəzetlərin, kitabların dərc edilməsi, teatr, tekstil fabriki tikintisi, üzüm plantasiyaları, bağçılıq məktəbi, Azərbaycanlı tələbələrin Avropa ali məktəblərində təhsil alması - bütün bunlar Tağıyevin vəsaiti ilə həyata keçirilib.
Tağıyev 1924-cü ildə Mərdəkanda, demək olar ki, yoxsulluq içərisində vəfat edib.
Xeyriyyəçi Tağıyev obrazı yüz il ərzində insanların beyninə həkk olunub və çətin ki, sovet inqilabçılarının heykəllərinin başına gələnlər onun abidəsinin də başına gəlsin. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz