Bakı/13.03.19/Turan: Çərşənbə günü Bakı Ağır Cinayətlər Məhkəməsində hədələmə yolu ilə pul tələb etməkdə ittiham olunan realliq.info saytının redaktoru İkram Rəhimovun işi üzrə hazırlıq iclası başa çatıb.
Martın 12-də keçirilən iclasda vəkil Elçin Sadıqov cinayət icraatına xitam verilməsi haqqında vəsatət qaldırmışdı. Vəsatət təmin edilməyəcəyi təqdirdə həbs cəzasını ev dustaqlığı ilə əvəz etməyi xahiş etmişdi.
Hakim vəsatətləri yazılı şəkildə təqdim etməyi təklif etmişdi və iclası martın 13-nə təxirə salmışdı.
Bu gün məhkəmə vəsatətlərə baxıb, onları təmin etməyib. Mahiyyəti üzrə dinləmələr martın 27-nə təyin edilib.
* Rəhimov 2018-ci il oktyabrın 26-da saxlanılıb, hədələmə yolu ilə pul tələb etməkdə ittiham edilib və məhkəmə qərarı ilə həbs edilib. Həbsindən əvvəl Rəhimov Azərbaycan prezidentinin köməkçisi Əli Həsənovu tənqid etdiyinə görə təqib edildiyini bəyan etmişdi. -B06-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz