Dünən prezident İlham Əliyev parlamentin iyunun 12-də qəbul etdiyi “Hüquqi şəxslərin dövlət qeydiyyatı və dövlət reyestri haqqında” qanuna düzəlişləri təsdiq edib.
Qanuna bu əlavə və dəyişikliklər kommersiya hüquqi şəxslərin təsisçiləri (iştirakçıları) və onların nizamnamə kapitalında payı haqqında informasiyanın faktiki olaraq məxfiləşdirilməsinə yönəlib. Bundan sonra bu məlumatlar sorğu əsasında yalnız:
- məhkəmə, istintaq, təhqiqat orqanlarına;
- əməliyyat-axtarış fəaliyyəti subyektlərinə;
- çirkli pulların yuyulmasına qarşı mübarizə ilə bağlı maliyyə monitorinqi orqanlarına;
- vəkillər və vəkillik fəaliyyəti haqqında qanunda nəzərdə tutulmuş hallarda vəkillərə;
- eyni hüquqi şəxsin digər təsisçilərinə (iştirakçılarına;
- həmçinin hüquqi şəxsin öz razılığı ilə verilə bilər.
Bir müddət dövlət başçısı “İnformasiya əldə edilməsi haqqında” və “Kommersiya sirri haqqında” qanuna düzəlişləri təsdiq edib. Bu düzəlişlər yerli və beynəlxalq ekspertlər tərəfindən şəffaflığın azaldılması və antikorrupsiya araşdırmalarının çətinləşməsi üzrə tədbirlər kimi qiymətləndirilib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz