İlham Əliyev İslamiadada Azərbaycanlı mükafatçılar üçün mükafat ölçülərini müəyyən edib
Bakı/11.05.17/Turan: Prezident İlham Əliyev mayın 11-də “Bakı-2017” IV İslam Həmrəyliyi Oyunlarında Azərbaycan idmançıları və onların məşqçilərinə ən yüksək nəticələrə görə mükafatların müəyyən edilməsi haqqında Sərəncam imzalayıb.
Sərəncama əsasən, birinci yeri tutan hər bir idmançıya 50 min manat, onun məşqçisinə 25 min manat veriləcək.
Habelə, ikinci yeri tutana 30 min manat, onun məşqçisinə 15 min manat, üçüncü yeri tutana 20 min manat, onun məşqçisinə isə 10 min manat mükafat düşəcək.
IV İslam Həmrəyliyi Oyunlarında medalçılar sırasına düşəcək idmançıları Azərbaycan Milli Olimpiya Komitəsi də mükafatlandırmaq niyyətindədir.
Dövlət başçısı İlham Əliyev Azərbaycan Milli Olimpiya Komitəsinin prezidenti kimi də bununla bağlı sərəncam imzalayıb.
Milli Olimpiya Komitəsi birinci yeri tutan hər bir idmançıya 50 min manat, onun məşqçisinə 25 min manat verəcək.
Yenə ikinci yeri tutan hər bir idmançıya 30 min manat, onun məşqçisinə 15 min manta, üçüncü yeri tutana 20 min manat, onun məşqçisinə isə 10 min manat ödəniləcək. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz