Ilin əvvəlindən Azərbaycanda QİÇS-dən 43 nəfər ölüb

  Bu ilin 9 ayında aşkar olunan  İİV-ə   (insanda immunçatışmazlığı virusu)  yoluxma hallarının  19%-i inyeksion narkotik istifadəsi nəticəsində baş verib. Bu barədə xəbəri Səhiyyə  Nazirliyi yayıb.

Xəbərə görə, bu ilin 9 ayı ərzində İİV-ə yeni yoluxma halları 374 nəfər təşkil edib.

Nazirlik bildirir ki, onlardan 365-ı Azərbaycan vətəndaşları, 9-u isə əcnəbilərdir.  Qeydiyyata alınan 365 yerli sakinlərdən 232-i kişi, 133-ü qadındır.

Bu dövrdə QİÇS mərhələsində olan 118 nəfər Azərbaycan vətəndaşlarından olan İİV-li xəstələr keçmiş və İİV-infeksiyasından 43 nəfər Azərbaycan vətəndaşının dünyasını dəyişməsi barədə məlumat daxil olub.

Ümumilikdə, Azərbaycanda ilk dəfə İİV-infeksiyasının aşkar edildiyi 1987-ci ildən bu ilin 9 ayının sonunadək ölkədə QİÇS-lə Mübarizə Mərkəzində İİV-infeksiyası təsdiq olunan 5 025 İİV-lə yaşayan insan rəsmi qeydiyyatdadır. Onlardan 3642-i kişi, 1383-ü qadındır. QİÇS mərhələsində olan İİV-lə yaşayan insanların sayı 1360 nəfər, İİV-infeksiyasından dünyasını dəyişən vətəndaşların sayı isə 788 nəfər olub.

Bu ilin 9 ayı ərzində 114 660 şəxs İİV-ə görə müayinəyə cəlb olunub və 79 nəfərdə İİV-ə yoluxma faktı təsdiqlənib ki, onlardan da 49 nəfəri yeni aşkar olunan şəxslərdir.-05D-