İlkin Rüstəmzadənin xanımının vəziyyəti normallaşıb (yenilənib)

Bakı/17.06.20/Turan: “Həyat yoldaşımın vəziyyəti qənaətbəxşdir, xəstəxana prosedurlarından sonra evə qayıtdıq”, - ictimai fəal İlkin Rüstəmzadə iyunun 17-də günorta Turan agentliyinə bildirib.-03B-

*   *   *

2020 İyun 17 (Çərşənbə) 16:26:03

İlkin Rüstəmzadənin xanımı intihara cəhd edib, fəal DİN-i günahlandırır

Bakı/17.06.20/Turan: Keçmiş siyasi məhbus İlkin Rüstəmzadənin xanımı bu gün çox sayda yuxu dərmanı içərək intihara cəhd edib. Bu barədə iyunun 17-də saat 13-00-d İ.Rüstəmzadə öz Facebook səhifəsində yazıb.

“Mən onu Semaşko xəstəxanasına (Kliniki Mərkəz) apardım, hazırda reanimasiyadadır. DİN-in öncə Facebookda yazıb onu təhdid edən nümayəndəsi 3 gün öncə yenə xəbərdarlıq edib ki, “İlkin susmasa öncəki yenə təkrarlanacaq”, - fəal yazıb, ancaq söhbətin nədən getdiyini dəqiqləşdirməyib.

Qeyd edək ki, fəalın həmkarlarının məlumatına görə, sosial şəbəkələrdə fəalın xanımının adına saxta profil yaradılıb və qadının şəxsi fotoları yerləşdirirlib.

Xatırladaq ki, İlkin Rüstəmzadə dinc vaxtı əsgər ölümlərinə qarşı etirazların təşkilinə görə 6 il həbsdə olan tanınmış gənc fəaldır. O, hakimiyyətin fəal tənqidçilərindən biridir.-02B-