Xırdalanda tibb işçilərinin aksiyası

Баку/17.06.20/Turan: İyunun 17-də Abşeron Rayon Mərkəzi Xəstəxananın nəzdində təcili və təxirəsalınmaz tibbi yardım şöbəsinin əməkdaşları iyunun 17-də etiraz aksiyası keçiriblər.

Onlar xəstəxananın həyətində toplaşaraq hələ mart ayında Azərbaycan prezidentinin sərəncamında pandemiya ilə bağlı vəd edilən əməkhaqqına əlavələrin ödənilməsini tələb ediblər.

“Bizdən başqa hamıya bu ödənişlər edilir. Xahiş edirik cənab prezidentin sərəncamına tabe olmayanlarcəzalandırılsın”, - etiraz iştirakçıları bildiriblər.  

Onların sözlərinə görə, şikayətlərini Tibbi Ərazi Bölmələrini İdarəetmə Birliyinin (TƏBİB) nəzərinə çatdırıblar. “TƏBİB isə deyir ki, bizlik deyil, gedin baş həkiminizə deyin. Onun yanına isə düşmək olmur. 20 gündən çoxdur prezidentə məktub yollamışıq, cavab yoxdur”, - aksiya iştirakçıları bildiriblər. 

Onların sözlərinə görə, təcili tibbi yardım maşınları çoxdan köhnəlib. “2007-ci ilin maşınlarıdır, köhnədir. Onların da təmirini özümüz edirik. Adi yanacağı da özümüz alırıq. Məcburuq xəstələrdən o pulu almağa. Maşınlarda olan avadanlıq işləmir. Defibrilyator da işləmir”, - onlar qeyd ediblər.

TƏBİB-dən Turan-a İcbari Tibbi Sığorta üzrə Dövlət Agentliyinə müraciət etməyi məsləhət görüblər. Lakin oradan da şərh almaq mümkün olmayıb.  –06D-