Açiq mənbələrdən foto.
Bakı/17.06.20./Turan: Ötən gün Azərbaycana 155 nəfər yola düşdükdən sonra Dağıstanın Qullar qəsəbəsində hələ də vətənə dönməyi gözləyən 400-ə yaxın Azərbaycan vətəndaşı qalır. Bu barədə Turan-a çadır düşərgəsinin sakinlərindən biri Elşən Muxtarov bildirib.
Onun sözlərinə görə, iyunun 16-na keçən gecə polislə toqquşmadan sonra düşərgədə vəziyyət sakitdir.
“Bizim istəyimiz Azərbaycana, ailəmizin yanına qayıtmaqdır. Mən iki aydır buradayam. Əvvəlcə betonun üstündə yatırdıq, sonra çadır düşərgəsi yaradılar. Qaytarılma prosesi ləng gedir. Həftədə 100-120 nəfər buraxırlar. Problem ondadır ki, seçim anlaşılmaz meyarlar üzrə aparılır. Biz artıq iki aydır ki, burada yaşayırıq, yeni gələnləri buraxırlar. Ədalət olmalıdır”, -E.Muxtarov bildirib.
Polislə toqquşmadan sonra saxlanılanların taleyi ilə bağlı sualın cavabında E.Muxtarov deyib ki, 93 nəfər saxlanılıb. İki yeniyetməni sərbəst buraxdılar. “Bildiyimiz qədərilə qalanlarına gündəlik həbs veriblər”,-E.Muxtarov deyib.—06D-
Cəmiyyət
-
Mayın 4-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Lakin gecə bəzi yerlərdə qısamüddətli yağış yağacağı ehtimalı var. Mülayim şimal küləyi əsəcək.
-
Azercell-in ev sahibliyi etdiyi “M360 Eurasia 2024” konfransına qeydiyyat davam edir “GSMA M360 Eurasia 2024” konfransı bu il Bakıda çoxsaylı beynəlxalq və regional məruzəçilərin iştirakı ilə baş tutacaq. Tədbir Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə 15-16 may tarixlərində keçiriləcək.
-
Əməliyyat tədbirləri zamanı Daxili İşlər Nazirliyi Baş Narkotiklərlə Mübarizə İdarəsinin əməkdaşları Neftçala rayon sakini Sadiq Ələkbərovu saxlayıblar.
-
“Gəncə Şəhər Birləşmiş Xəstəxanası” publik hüquqi şəxsin vəzifəli şəxsləri Vidadi Hüseynov, Məhəbbət Abdullayev və digərlərinə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin müvafiq maddələri ilə cinayət işi başlanıb.
Rəy yaz