Bakı/06.04.18/Turan: Azərbaycanda imkanları məhdud olan uşaqların inklüziv təhsillə təmin edilməsi ilə bağlı ciddi problemlər qalmaqdadır. Bu barədə Demokratik Təşəbbüslər İnstitutunun hazırladığı "Azərbaycanda inklüziv təhsilin vəziyyəti haqqında" araşdırma sənədində deyilir.
Bu 18 səhifəlik araşdırmada qeyd edilir ki, imkanları məhdud olan uşaqların statistikası belə fərqlənir. Belə ki, Dövlət Statistika Komitəsinin məlumatına görə, 2017-ci ilin əvvəllərinə belə uşaqların sayı 71934 nəfər təşkil edib, Təhsil Nazirliyi isə 65482 nəfərlik say göstərir.
2005-2009-cu illərdə inklüziv təhsilə 268 nəfər cəlb edilibsə, 2015-2017-ci illərdə pilot məktəblərdə cəmi 40 şagird təcrübi təhsilə cəlb edilib.
Xüsusi qayğıya ehtiyacı olan uşaqların təhsili üzrə 2006-2009-cu illər üçün dövlət proqramı çərçivəsində 14 ümumtəhsil məktəbinin və 13 məktəbəqədər müəssisənin iştirakı ilə üç layihə həyata keçirilib.
Ümumilikdə, imkanları məhdud olan uşaqların 77%-i inklüziv təhsilə və ümumiyyətlə təhsilə cəlb edilməyib.
Araşdırma təhsil sahəsində ixtisaslaşmış proqramların və vəsaitlərin olmadığını, bu sahədə qanunvericilik bazasının kifayət qədər olmadığını, təhsil çatışmazlığını üzə çıxarıb.
Bununla əlaqədar araşdırmada bir sıra tövsiyələr irəli sürülüb: Qanunvericilik bazasının yaradılması, sosial əlillik modeli üzrə hüquqi bazanın və intensiv fəaliyyət planının işlənib hazırlanması nəzərdə tutulur;
Reabilitasiya proqramları hazırlamaq üçün təhsilə cəlb edilmiş və ya təhsildən kənarda qalmış imkanları məhdud olan uşaqların məlumatlar bazasını yaratmaq tövsiyə edilir;
İnklüziv məktəbəqədər və məktəb müəssisələrinin yaradılması vacibdir (o cümlədən regionlarda);
Adi uşaq bağçalarında və məktəblərdə fiziki imkanları məhdud olan uşaqların təlim-tərbiyəsi üçün şərait yaradılmalıdır (pandusların quraşdırılması, tualet və idman zallarında avadanlıqlara dəyişiklik edilməsi);
Uşaqlarda əlilliyin qarşısının alınması üçün puls erkən müdaxilə proqramları həyata keçirilməlidir;
İmkanları məhdud olan uşaqlar üçün məktəbdənkənar dövlət məşğələlərinin sayı artırılmalıdır;
Bu sahədə xarici qrantlar sadələşdirilmiş sistemlə rəsmiləşdirilməlidir, bu sahədə ictimai vəkillik, valideynlərin maarifləndirilməsi və s. kampaniyalar həyata keçirilməlidir.
* Demokratik Təşəbbüslər İnstitutu 2013-cü ilin noyabrında yaradılıb. Ona məşhur fəal, keçmiş MSK üzvü Akif Qurbanov rəhbərlik edir. -06B-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz