Yanvarın 26-da Ali Məhkəmədə Gülzar Rzayevanın sədrliyi ilə həbsdə olan hüquqşünas, Hüquq Maarifçiliyi Cəmiyyətinin rəhbəri İntiqam Əliyevin kassasiya şikayətinə baxılması prosesi başlayıb.
Vəkilin çıxışından sonra “sənədləri tədqiq etmək” zərurətinin yaranması ilə əlaqədar hakim dinləmələri fevralın 24-nə qədər təxirə salmağı qərara alıb.
İntiqam Əliyev 2014-cü il avqustun 8-də vergilərdən yayınma, sui-istifadə, qanunsuz sahibkarlıq və israfçılıq ittihamları ilə həbs edilib. 2015-ci il aprelin 22-də o, 7,5 il müddətinə azadlıqdan məhrum edilib. İyulun 21-də Bakı Apellyasiya Məhkəməsi bu hökmü qüvvədə saxlayıb.
Vəkil Cavad Cavadov məhkəmədə bildirib ki, İntiqam Əliyev səhhətindəki problemlərlə əlaqədar prosesdə iştirakdan imtina edib. Daha sonra vəkil xatırladıb ki, İntiqam Əliyev insan hüquqlarının müdafiəsi məsələlərində ixtisaslaşır. O, Avropa İnsan Hüquqları Məhkəməsinə üç yüzdən çox şikayət göndərib, 40 işi udub.
Daha 10 şikayət üzrə Əliyevin həbsindən sonra qərar qəbul olunub.
Əliyevin hüquqlarının pozulması 2014-cü il avqustun 8-də onun saxlanılmasından dərhal sonra başlayıb.
Əliyevin ofisində axtarış zamanı prokurorluq əməkdaşları bütün sənədləri müsadirə ediblər, bu da Əliyevin müdafiəsinin təşkili üçün problemlər yaradıb.
Əliyevin həbsindən şikayət AİHM-də prioritet qaydada baxılması üçün qəbul edilib və ən yaxın gələcəkdə qərar qəbul ediləcəyi gözlənilir.
Birinci instansiya məhkəməsinin hökmündə Əliyev “Avropa Məhkəməsində azərbaycanlı qaçqınların hüquqlarını müdafiə etməməkdə və işğal edilmiş ərazilərdə onlar üçün treninqlər keçirməməkdə” ittiham olunub. Lakin müdafiə tərəfə verilmiş hökmdə bu ifadələr yoxdur. Onlar KİV nəşrlərində qalıb.
Bu, öz-özlüyündə hökmün siyasi xarakterli olmasının dəlilidir, deyə vəkil qeyd edib.
İttihamların mahiyyətinə gəlincə, istintaq Əliyevin qrantları Ədliyyə Nazirliyində qeydiyyatdan keçirmədən həyata keçirdiyi layihələri qanunsuz sahibkarlıq kimi təfsir edib.
Lakin qrantlar qeydiyyatdan keçirilib və bu barədə Ədliyyə Nazirliyinin saytında məlumat olub. Skrin-şotun surəti məhkəmədə təqdim olunub. Amma məhkəmə bu sənədi dəlil kimi qəbul etməyib.
Mənimsəmə haqqında ittihama gəlincə, bu ittiham HMC mühasibi Gülşən Orucovanın Beynəlxalq Bankdan Unibank-a bacısı Əfsanə Orucovanın hesabına pul köçürməsinə və daha sonra bu vəsaitin nağdlaşdırılmasına əsaslanır.
Orucova bacıları istintaqın təzyiqi altında pulun nağdlaşdırıldıqdan sonra Əliyevə verildiyini bildiriblər. Amma ödəniş tapşırıqlarında onun imzası saxtalaşdırılıb.
Müdafiə tərəfin vəsatətlərinə baxmayaraq, istintaq və məhkəmələr imza ekspertizası həyata keçirməkdən imtina ediblər. Eyni zamanda, müdafiə tərəfi Polşalı mütəxəssisin ödəniş tapşırıqlarındakı imzaların Əliyevə məxsus olmadığını təsdiq edən rəyini təqdim edib. Amma Apellyasiya Məhkəməsi bu sənədi qəbul etməyib.
Sonda vəkil məhkəmədə aşağı instansiya məhkəmələrinin qərarlarını ləğv etməyi və bəraət çıxararaq, cinayət işinə xitam verməyi xahiş edib. Bundan sonra hakim iclası bir ay təxirə salmağı qərara alıb. -06D-
2016 Yanvar 26 (Çərşənbə axşamı) 14:17:14
Ali Məhkəmədə Gülzar Rzayevanın sədrliyilə Hüquqi Maarifləndirmə Cəmiyyətinin rəhbəri İntiqam Əliyevin şikayətinə baxılmasına başlanılıb.
Hüquq müdafiəçisi səhhətilə əlaqədar, həm də məhkəmənin ədalətliliyinə inanmadığına görə prosesdə iştirak etməyib. Bu barədə vəkil Cavad Cavadov bildirib.
O, öz çıxışında məhkəməni irəli sürülən ittihamlar əsassız olduğundan İ.Əliyevə bəraət verilməsinə çağırıb.
İntiqam Əliyev 2014-cü il avqustun 8-də həbs olunub. Ona qarşı CM-in 213.1 (vergidən yayınma), 308.2 (vəzifə səlahiyyətindən sui-istifadə), 192.2 (qanunsuz sahibkarlıq), 179.3.2 (mənimsə) maddələri ilə ittiham irəli sürülüb. 2015-ci il aprelin 22-də Bakı Ağır Cinayətlər Məhkəməsi İ.Əliyevi 7,5 il müddətinə azadlıqdan məhrum edib. İyulun 1-də Bakı Apellyasiya Məhkəməsi bu qərarı qüvvədə saxlayıb.
Amnesty İnternational İntiqam Əliyevi “vicdan məhbusu” kimi tanıyıb.—06C--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz