Bakı/04.11.19/Turan: Noyabrın 3-də səhər saat 5-də Biləsuvar rayonunun eyniadlı kəndi yaxınlığında Azərbaycan sərhədçiləri Azərbaycan-İran sərhədini pozan şəxsi görüblər. Xəbərdarlıq atəşinə məhəl qoymayan pozucu İran tərəfinə qayıtmağa çalışıb. Sərhədçilərin açdığı atəşlə sərhəd pozucusu öldürülüb, bu barədə Dövlət Sərhəd Xidmətinin məlumatında deyilir.
Öldürülən şəxsin üzərindən “Beretta” tapançası, atdığı çantada isə 12,34 kq müxtəlif narkotik vasitələr aşkar edilib.
Sərhədçilər həmçinin iki şübhəli şəxsi – hadisə yeri yaxınlığında “Niva” avtomobilində olan Biləsuvar rayon sakini Elgün Həsənovu və Mingəçevir sakini Orxan Nəsirzadəni saxlayıblar.
Araşdırma nəticəsində müəyyən edilib ki, öldürülən pozucu Azərbaycanın Cəlilabad rayon sakini, 1994-cü il təvəllüdlü Tural Əmirov idi.
Oktyabrın 31-də o, “Biləsuvar” sərhəd məntəqəsindən sərhədi keçərək İrana gedib. İşlə bağlı istintaq davam edir. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz