Bakı/12.03.19/Turan: Martın 12-də səhər saat 7-də İran-Azərbaycan sərhədində son günlər ərzində ikinci silahlı insident yaşanıb. Azərbaycan Dövlət Sərhəd Xidmətinin məlumatına görə, Yardımlı rayonunun Ostair kəndi yaxınlığında sərhədçilər İran tərəfindən hərəkət edən 6 silahlı sərhəd pozucusu görüblər.
Sərhədi pozanlar sərhədçilərin dayanmaq tələblərini yerinə yetirməkdən imtina ediblər və atəş açıblar. Cavab atəşi ilə onlardan biri öldürülüb, digərləri isə yüklərini ataraq, geri çəkiliblər.
Hadisə yerinə baxış zamanı içərisində heroin və tiryək olan 4 paket, habelə 12 mm çaplı içində güllə olan ov silahları aşkar edilib.
Hadisə haqqında İran tərəfə məlumat verilib. Azərbaycan Dövlət Sərhəd Xidmətinin rəhbəri Elçin Quliyev hadisə yerinə gəlib. Faktla bağlı araşdırma aparılır.
Qeyd edək ki, martın 10-da da İran-Azərbaycan sərhədində İran tərəfindən sərhəd pozucularının sərhədi qanunsuz keçməsinin qarşısı alınıb. Atışma zamanı Azərbaycanlı sərhədçi Səxavət Məmmədov həlak olub. -16D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz