Açiq mənbələrdən foto.
Bakı/08.09.23/Turan: Sentyabrın 5-də saat 06:30-da Astara şəhəri yaxınlığında Azərbaycan sərhədçiləri İran tərəfdən dövlət sərhədinin pozulduğunu qeydə alıblar.
Sentyabrın 8-də Dövlət Sərhəd Xidmətinin yaydığı məlumatda deyilir ki, axtarış tədbirləri nəticəsində Əfqanıstan vətəndaşları Ajar Nuhtar (1977-ci ildə anadan olub) və Sərdar Vəli Samsur (2003-cü il) saxlanılıblar.
Araşdırma zamanı müəyyən edilib ki, saxlanılanlar Azərbaycandan Avropa ölkələrinə getmək məqsədilə dövlət sərhədini pozublar. Fakt üzrə cinayət işi başlanılıb, əməliyyat-axtarış tədbirləri davam etdirilir. 0
Cəmiyyət
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
-
Azərbaycan Hava Yollarına (AZAL) məxsus Embraer 190/195 təyyarəsi Bakı-Kazan marşrutu üzrə uçuş zamanı, yanvarın 1-də Astrakhan üzərində radio maneələr və GPRS pozuntuları ilə üzləşib. Bu barədə Turan aviasiya sahəsindəki mənbəyə istinadən məlumat yayıb. Təyyarənin aviyonikası yalnız Astrakhan hava məkanını tərk etdikdən sonra normal fəaliyyətini bərpa edib.
-
Dövlət qurumlarının müraciətləri əsasında Tarif (Qiymət) Şurası son iclasında bir sıra sahələrdə qiymət artımına qərar verib. Yanvarın 2-də açıqlanan bəyanata əsasən, ilk dəfə olaraq su təchizatı və tullantı sularının axıdılması sistemlərinə qoşulma üçün tariflər təsdiqlənib. İndiyə qədər bu xidmətlər dövlət tənzimlənməsi olmadan, müxtəlif məbləğlərlə həyata keçirilirdi. Təsdiq edilmiş tariflər:
Rəy yaz