"Təbrizdə Azərbaycan baş konsulluğu bizə viza vermir. Artıq Təbrizdəki baş konsulluq bir həftədir viza üçün sorğu qəbul etmir. Deyirlər Azərbaycana getmək üçün vizaları turizm şirkətləri vasitəsi ilə alın. Çünki turizm şirkətləri onlara pul verir". Bu barədə İran vətəndaşı Nassir Mumtaz adlı şəxs 121 nəfərin adından Azərbaycan mediasına müraciətində bildirir.
“Dostarım viza almaq üçün baş konsulluqda olublar. Pasportlarını götürüblər, 5 gündür geri qaytarmırlar. Bizə burada zülm edirlər. Viza 20 dollardır, 40 dollara verirlər. Baş konsul yaşlı bir kişidir, yaxşı adama oxşayır. Amma viza üzrə məsul olan Eldar adlı şəxs bizə zülm edir”, deyə müraciətdə qeyd edilir.
“Azərbaycan Respublikasına turist axınının sürətləndirilməsi ilə bağlı cənab İlham Əliyev sərəncam imzalayıb. Amma bizə viza verən yoxdur”, deyə o qeyd edib.
Müraciətdə bildirilir ki, on gün öncə cənab İlham Əliyev İranda səfərdə olarkən bu ölkə ilə Azərbaycanın dost olduğunu söyləyib.
“Amma İlham Əliyevə xəyanət edirlər”, deyə yazan müraciət müəllifləri Azərbaycan hökumətindən kömək istəyirlər.
Azərbaycanın rəsmi orqanları və Təbriz şəhərindəki baş konsulluq hələ İran vətəndaşlarının müraciətinə cavab verməyib. -03B-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz