Bakı/08.11.19/Turan: Ötən gecə yerli vaxtla saat 02.47-də İranda baş vermiş dağıdıcı zəlzələ Azərbaycanın cənub rayonlarında da hiss olunub.
Astara, Lənkəran, Lerik, Yardımlı, Masallı, Ordubad, Culfa və Beyləqanda 4-3 bal gücündə yeraltı təkanlar qeydə alınıb, xəbəri Azərbaycan Elmlər Akademiyasının Respublika Seysmoloji Xidmət Mərkəzi yayıb.
İranın Şərqi Azərbaycan əyalətində 5,9 bal gücündə zəlzələ baş verib. Avropa-Aralıq Dənizi Seysmoloji Mərkəzinin məlumatına görə, yeraltı təkanların episentri Təbriz şəhərindən 118 km şərqdə yerləşib, zəlzələ ocağı isə cəmi 10 km dərinlikdə yerləşib.
İran KİV-lərinin məlumatına görə, zəlzələ nəticəsində ən az 5 nəfər həlak olub, 120 nəfərə yaxın insan yaralanma və xəsarət alıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz