İrandan Azərbaycana qanunsuz kecən narkocinayətkarlar zərərsizləşdirildilər

Xəbər verildiyi kimi, 15 may 2021-ci il tarixdə Bərqi Həsənğuli Novruz oğlunun digər  İran İslam Respublikasının vətəndaşları Əbdi Rəsul Zöhrab oğlu, Ağayi Əllahbəxş Bağış oğlu, Həsənzadə Huşəng Curi oğlu və qeyriləri ilə birlikdə Azərbaycana kecib iki sərhədcimizi öldürüblər.

Cinayətkarların əlində müxtəlif növ narkotik və AK 74 markalı 2 ədəd silah olub. Bu barədə Baş Prokurorluq xəbər verib.

Hazırda Bərqi Həsənğulinin barəsində cinayət işi üzrə istintaq yekunlaşdırılaraq, baxılması üçün aidiyyəti üzrə Lənkəran Ağır Cinayətlər Məhkəməsinə göndərilmişdir.

İstintaqın gedişi zamanı 19 may 2021-ci il tarixdə isə DİN-in Daxili Qoşunlarının və DSX-nin hərbi qulluqçularının əməkdaşlarının tədbirləri nəticəsində cinayətkar qrupun üzvü - İran vətəndaşı Ağayi Əllahbəxş Bağış oğlunun Yardımlı rayonunun Zevin kəndi ərazisində gizləndiyi müəyyən edildi. Cinayətkar zərərsizləşdirilib.

Digər iki İran vətəndaşı barəsində təqsirləndirilən şəxs qismində cəlb etmə barədə qərarlar qəbul edilməklə axtarışları elan olunmuşdur.

Qeyd edək ki, Azərbaycan və İran rəsmilərinin görüşlərində narkotik qaçaqmalçılığının qarşısının alınması ilə bağlı məsələlər dəfələrlə müzakirə edilsə də, qanunsuz narkotik daşınması artmaqda davam edir.-0-