İstanbulun Maltəpə rayon bələdiyyəsi
İstanbul/10.11.20/Turan: Turan informasiya agentliyinə İstanbulun Maltəpə rayon bələdiyyəsindən daxil olan məlumata görə, bələdiyyyə sədri Ali Kılıçın təşəbbüsü ilə Azərbaycan ordusuna yardım ləvazimatı göndərilib.
Toplanan yardım Azərbaycanın bu sahədəki məsul nümayəndəsinə təhvil verilib.Yardımları Azərbaycana gətirəcək yük maşını konvoyu noyabrın 10-da yola düşüb.
Azərbaycan ordusuna göndərilən yardım barədə Turan informasiya agentliyinə açıqlama verən Maltəpə bələdiyyənin sədri Ali Kılıç deyib: “Tarix boyu problem yaratamaqdan başqa heç bir iş görə bilməyən işğalçı qonşusuna tarixi dərs verən ikinci dövlətimiz Azərbaycan ordusunun haqlı mübarizəsində göstərdiyi qəhrəmanlığı ən səmimi duyğularımla salamlayıram. Torpaqlarının 28 ildən bəri işğal altında olmasına qarşı səbr göstərib gözləyən və nəhayət, ən şərəfli cavabı verən Azərbaycan üçün Şuşa şəhərinin və dörd rayonun azad edilməsi həlledici qələbəyə doğru gedən yolun qısaldığını göstərir.
Haqlı mübarizəsində yanında olduğumuz Azərbaycan ordusu əziz vətən torpaqlarını işğaldan azad etdikcə 28 il əvvəl didərgin düşmüş soydaşlarımızın oraya qayıdaraq öz ev-eşiklərinə qovuşmaları bizi çox məmnun etməkdədir.
Türk milləti üçün öz torpağını müdaifə etmək ən müqəddəs işdir,bunu anlamayanlar üçün tarix yenidən təkrarlanacaq və onlar daha böyük məğlubuyyətə düçar olacaqlar.
Bütün Türkiyədə olduğu kimi İstanbulun Maltəpə rayonunun sakinlərinin ürəyi də Azərbaycan ordusunun qəhrəman əsgər və zabitləri üçün çırpınmaqdadır.Bu yardımı göndərərkən Azərbaycan ordusunun yanında olduğumuzu bir daha təkrarlayır, əziz vətən torpaqlarının işğaldan azad edilməsi uğrunda aparılan mübarizədə şəhid olan əsgərlərimizə Allahdan rəhmət,yaralılarımıza isə şəfa diləyirəm”.
İxtisasca jurnalist-yazar olan Ali Kılıç 2014-cü ilin martında keçirilən seçkidə İstanbulun ən böyük yaşayış məntəqəsi olan Maltəpə rayonunun bələdiyyə sədri seçilib. 31 mart 2019-cu ildəki seçkidə Maltəpə rayonunun sakinləri Ali Kılıça yenidən etimad göstərərək onu böyük səs fərqiylə bələdiyyə sədri seçiblər. 6.5 illik fəaliyyəti boyunca Ali Kılıç həmişə Azərbaycana xüsusi diqqət göstərərək münasibətlərin inkişaf etməsi üçün xeyli iş görüb. Maltəpə bələdiyyəsindən Turan informasiya agentliyinə verilən məlumata görə, Azərbaycan ordusuna bu yaxınlarda yenidən yardım yardım göndəriləcək.—0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz