Bakı/15.02.18/Turan: Bloger və fəal Mehman Qələndərovun istintaq təcridxanasında ölümü faktı üzrə cinayət işinə xitam verilib. Hüquq müdafiəçisi Oqtay Gülalıyevin Turan-a verdiyi məlumata görə, iş Qələndərovun 2018-ci il aprelin 28-də Bakı 1 saylı istintaq təcridxanasında ölümündən sonra Sabunçu rayon prokurorluğu tərəfindən 125-ci maddə (özünü öldürmə həddinə çatdırma) maddə ilə açılmışdı. Sonradan iş Bakı Şəhər Prokurorluğuna göndərilmişdi.
İbtidai istintaqın yekunlarına görə prokurorluq Qələndərovun ölümündə cinayət tərkibinin olmadığı, onun intihar etdiyi qənaətinə gəlib.
Hüquq müdafiəçisi Gülalıyev istintaqın obyektivliyini şübhə altına qoyur, Qələndərovun hədələndiyini, həbsxanadan sağ çıxmayacağı barədə xəbərdarlıq edildiyini xatırladır.
Qələndərov 2017-ci il fevralın 7-də narkotik maddələrin qanunsuz dövriyyəsi ittihamı ilə (234.2-ci maddə) həbs edilib.
Qələndərov həbs edildiyi gün öz facebook səhifəsində belə yazmışdı: "Hamımız Qiyas kimi olaq. Qul olmayaq".
(Fəallar Qiyas İbrahimov və Bayram Məmmədov H.Əliyevin abidəsinə siyasi şüarlar yazdıqdan sonra uydurma narkotik ittihamı ilə 10 il müddətinə həbs ediliblər - red.).
Bir saat sonra polis əməkdaşları Qələndərovun kirayə qaldığı mənzilə gələrək onu saxlayıblar. 2017-ci il aprelin 28-də o, istintaq təcridxanasında, rəsmi versiyaya görə, intihar edərək dünyasını dəyişib. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz