İstiqlalçı deputatlar təqaüd məsələsini Avropa Məhkəməsinə çıxarırlar

İstiqlalçı deputat Hacıbaba Əzimov bu kateqoriya deputatların ayrı-seçkiliyə məruz qalmaları haqda çərşənbə axşamı RATİ-də mətbuat konfransı keçirib.

H.Əzimov son vaxtlar Azərbaycanın müstəqilliyinə təhlükə yarandığını deyib, bu təhlükənin mənbəyi kimi Rusiya və hakimiyyətdəki Rusiyaya xidmət edən məmurları göstərərək onları “5-ci kolon” adlandırıb. Onun fikrincə, bu unsanlar ölkə istiqlalına, dövlətçilik və müstəiqillik tərəfdarı olan şəxslərə qarşıdırlar.

Keçmiş deputata görə, belə şəxslər hakimiyyətin əhəmiyyətli hissəsini təşkil edilər.

1991-ci il oktyabrın 18-dən başlayaraq bayram edilən dövlət Müstəqilliyi Gününün son 8 ildə bayram edilməməsinə səbəb kimi də bu şəxslərin fəaliyyətlərini göstərib.    

H.Əzimov Azərbaycan istisna olmaqla qalan bütün ölkələrdə istiqlal gününün bayram və qeyri-iş günü olduğunu yada salıb. “Bütün bunlar ölkə hakimiyyətində olan bəzi şəxslərin milli istiqlala qarşı təxribatı, onu gözdən salmaq istəməsidir”, - H.Əzimov bildirib. O,

Dövlət Müstəqilliyi Gününün qeyri-iş günü sırasından çıxarılmasına görə  deputat Hadı Rəcəblini ittiham edib.

Daha sonra H.Əzimov istiqlalçı deputatlara təqaüdlərin verilməməsinə toxunub. O, bu məsələdə əsas günahkar kimi Milli Məclisi katibliyinin baş kaitibi Səfa Mirzəyevin adını hallandırıb. H.Əzimova görə, S.Mirzəyev Rusiya və terrorçu PKK təşkilatı ilə sıx bağlı adamdır.

H.Əzimov yalnız 1991-95-ci illərdə fəaliyyət göstərən istiqlalçı deputatlara təqaüdün verilmədiyini deyib və buna səbəb kimi Səfa Mirzəyevin Əmək Nazirliyi və Sosial Müdafiə Fonduna təqdim etdiyi məktubları göstərib. “Siz təsəvvür edin, hətta sovet vaxtı deputata olanlara da, 1995-cilədn sonrakı deputatlara da təqaüd verilir, amma 1991-95-ci illərdə fəaliyyət göstərən istiqlalçı deputatlara bu təqaüd verilmir”, - H.Əzimov bildirib. S.Mirzəyevin bu məqsədlə göndərdiyi o zamankı məktubların surətlərini jurnalistlərə təqdim edib. Onun sözlərinə görə, bu məsələ ilə bağlı məhkəmələrə də müraciət ediblər. Amma S.Mirzəyev Ali Məhkəmədə İnzibati-İqtisadi məhkəmələr üzrə kollegiyanın sədri olan qardaşının vasitəsilə məhkəmələrə ədalətli qərar çıxarmağa imkan verməyib. H.Əzimov deyib ki, istiqlalçı deputat Məryəm Həsənovanın təqaüd alması uğrunda apardığı mübarizədə əsəb sarsıntılarından səhhətində ciddi problemlər yaranıb.    

Buna baxmayaraq,  H.Əzimov haqları uğurnda mübarizəni davam etdirdiklərini və məsələni  Avropa məhkəməsinə çıxaracaqlarını nəzərə çatdırıb.-05C-