Bakı/12.03.20/Turan: Martın 12-nə keçən gecə İtaliyada təhsil alan 24 tələbə bu ölkədən Bakıya qayıdıb. Onlarla birlikdə iki nəfər xarici vətəndaş da gəlib.
Koronavirusun yayılması mümkünlüyünün qarşısını almaq üçün tələbələr aeroportdan təcili yardım maşınları ilə götürülərək karantin xəstəxanasına yerləşdiriliblər. Bu barədə Təbib Tibbi Ərazi Bölmələrini İdarəetmə Birliyinin məlumatında deyilir.
"Karantinə yerləşdirilənlərin heç birində xəstəlik əlamətləri aşkarlanmayıb. Tələbələrin tibbi müayinəsi davam etdirilir", deyə Birliyin məlumatında bildirilir.
Xatırladaq ki, bu günə qədər Azərbaycanda koronavirusa yoluxmuş 15 nəfər aşkar edilib. Onlardan üçü müalicə olunub və evlərinə buraxılıb. Digərləri xəstəxanadadır.
Xəstələrdən ikisi əcnəbi - Almaniya və Rusiya vətəndaşıdır. Bütün xəstələr xəstəliyə İranda yoluxub. -16D-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz