Bakı/06.02.18/Turan: Fevralın 1-3-də Tufandağda FAIREX Federasiyasının itkin düşmüş üç alpinistinin axtarışı davam edib.
Axtarışda 4 təcrübəli alpinist və FHN-in 6 xilasedicisindən ibarət qrup iştirak edib. Bu barədə axtarışda iştirak edən tanınmış alpinist Sirxan Məmmədov Facebook səhifəsində yazıb.
Qrup RECCOR xüsusi avadanlığından istifadə edərək uçqun olan yerləri sektorlara bölüb və cihazla scan edib.
Axtarış işləri 2800-dən 3000 metrədək yüksəklikdə aparılıb.
RECCOR sistemi telefon simkartlarını aşkar etməyə imkan verir.
Ancaq qarın dərinliyi çox olub və cihazın gücü buna imkan verməyib.
Cihazın daha dərindən siqnallar ala bilməsi üçün əlavə gücləndirici antenlər lazımdır. Bunlar əldə edildikdən sonra axtarış işləri davam etdiriləcək, S.Məmmədov yazıb.
Xatırladaq ki, Namin Bünyadov, Fəridə Cəfərzadə və Baur Hüseynov dekabrın 24-də Tufandağa qalxmalıydılar. Onların axtarışı davam edir.-02B-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz