Ötən gün Tbilisidə başa çatan ATƏT-in “Rəqəmsal dövrdə ictimai televiziya” adlı XI Cənubi Qafqaz konfransı region ölkələrinin hökumət və ictimai yayım strukturları üçün 19 bənddən ibarət tövsiyə qəbul edib.
Müzakirələrdən sonra tövsiyələr konfrans iştirakçıları ilə razılaşdırılıb. Sənədin yekun variantı yaxın vaxtlarda yayılacaq.
Tövsiyələrin ilk baza bəndində deyilir ki, “ictimai yayımçılar (İTV) dövlətə, siyasi qüvvələrə, kommersiya və digər qrup maraqlarına deyil, vətəndaşlara xidmət etməlidir”.
Tövsiyələr proqramların maliyyələşdirilməsinin, balanslaşdırılmasının şəffaflığı, rəqəmsal yayıma keçid, İnternetdən və digər mobil platformalardan daha fəal istifadə, İTV üzərində ictimai nəzarətin gücləndirilməsi məsələlərini əhatə edir.
Konfransda Avropa İttifaqı və postsovet ölkələrinin ekspertləri və media nümayəndələri iştirak ediblər. Rəqəmsal yayıma keçid dövründə çağırışlar və strateji seçim, Cənubi Qafqazda ictimai yayımın vəziyyəti və perspektivləri, dəyərlər və kontent, İTV-nin hüquqi və maliyyə məsələləri müzakirə olunub.
ATƏT-in söz azadlığı üzrə nümayəndəsi Dunya Miyatoviç “cəmiyyət üçün və cəmiyyətin hesabına real ictimai yayıma” nail olunmasının vacibliyini bildirib.
Azərbaycanda ictimai televiziya Avropa Şurası qarşısındakı öhdəliklərə uyğun olaraq yaradılıb və 2005-ci ilin yayında yayımlanmağa başlayıb. İTV-nin yaradılması ilə müxtəlif ictimai fikirlərin əksini tapacağına və hadisələrin obyektiv işıqlandırılacağına ümid yaranmışdı. Lakin müxtəlif araşdırmalar göstərir ki, İTV ictimaiyyətin gözləntilərini doğrulmadı.—0—
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz