![JMK: Azərbaycan hakimiyyəti tanınmış jurnalisti təqib edir](https://turan.az/resized/750/500/resize/media/2014/main/022200070154.jpg)
JMK: Azərbaycan hakimiyyəti tanınmış jurnalisti təqib edir
Jurnalistləri Müdafiə Komitəsi jurnalist Xədicə İsmayılovaya qarşı cinayət təqiblərindən çox narahatdır.
Ona hakimiyyəti xəbərdar etmədən Bakıdan çıxmaq qadağan olunub. Halbuki, rəsmi ittihamnamə irəli sürülməyib.
Əgər X.İsmayılova dövlət sirrinin yayılmasında təqsirli bilinərsə onu 7 ilədək həbs cəzası gözləyir.
Hökmətin X.İsmayılovaya qarşı bu hərəkəti dövlət KİV-də böhtan kampaniyası fonunda baş verir.
“Fevralın 12-də hökumətyönlü Haqqin saytında dərc edilən məqalədə X.İsmayılova ABŞ-ın agenti adlandırılıb. Bildirilib ki, jurnalist guya MTN-in informatorları olan müxalifət fəallarının adlarını Bakıda ABŞ Konqresinin əməkdaşlarına ötürüb.
X.İsmayılova və ABŞ-ın Bakıdakı səfirliyi bu ittihamları rədd ediblər. Lakin digər hökumətyönlü qəzetlər Haqqin saytındakı məqaləni dərhal təkrar dərc ediblər.
"Bizdə olan məlumata görə, dövlət sirrini əcnəbilərə ötürmüsünüz”, - dindirmə zamanı müstəntiq ona deyib.
Jurnalist özü hesab edir ki, onu antikorrupsiya araşdırmalarına görə cəzalandırmaq istəyirlər.
“Bu, X.İsmayılovanı susdurmaq üçün çirkin kampaniyadır və buna son qoyulmalıdır”, - JMK-nın Avropa və Mərkəzi Asiya üzrə koordinatoru Nina Oqnyanova bildirib.
“Məmurlar cəsur, müstəqil jurnalisti susmağa məcbur etmək üçün hökumətyönlü KİV-dən istifadə edirlər. Biz İlham Əliyev hökumətini bu cəhdlərə son qoymağa çağırırıq”.
X.İsmayılova çoxdandır hakimiyyət tərəfindən təqib olunur. 2012-ci ilin martında onu qorxutmağa və şantaj etməyə cəhd göstərdilər. Məqsəd Eurovision müsabiqəsi ərəfəsində Əliyevlər ailəsinin biznesi barədə araşdırmalara son qoyması idi.
Sonradan İnternetdə onun mənzilində gizli çəkilmiş kadrlar yayıldı. Hökumətyönlü KİV onu “mənəviyyatsız” adlandıraraq bu haqda məqalə dərc etdilər. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz