Bakı/13.04.20/Turan: “Azadlıq” qəzetinin əməkdaşı, AXCP üzvü Təzəxan Mirələmli CM-in 221.1-ci maddəsi (xuliqanlıq) ilə təqsirləndirilən şəxs qismində cəlb edilib.
T.Mirələmli Turan agentliyinə bildirib ki, barəsində başqa yerə getməmək haqda iltizam tədbiri seçilib. T.Mirələmlinin təqsirləndirilən şəxs qismində cəlb olunması qərarı aprelin 13-də elan edilib.
Xətai Rayon Polis İdarəsinin müstəntiqi Cahid Musayev onu çağırıb və guya fevralın 26-da “videobloger” Ata Abdullayevə bədən xəsarəti yetirməsi barədə tibbi ekspertiza rəyini ona təqdim edib.
Jurnalist bu iddiaları rədd edib və özünü günahkar saymayaraq etirazını bildirib.
Xatırladaq ki, iş fevralın 26-da AXCP fəallarının Xocalı soyqırımı qurbanlarının memorialını ziyarət edərkən baş vermiş hadisə ilə əlaqədar başlanıb. A.Abdullayev bildirib ki, T.Mirələmli onu vurub.
Lakin hadisə yerindən çəkilən videodan görünür ki, A.Abdullayev çoxsaylı polis və təhlükəsizlik əməkdaşlarının gözləri önündə AXCP lideri Kərimlini təhqir edir, T.Mirələmlini cavab hərəkətinə təhrik edir. T.Mirələmli A.Abdullayevə yaxınlaşaraq xuliqanlığa son qoymağa çağırır. Eyni zamanda polisi A.Abdullayevin təhqirlərinin qarşısını almağa çağırır.
Xatırladaq ki, A.Abdullayev hakimiyyətin könüllü köməkçi rolunu oynayaraq mütəmadi olaraq müxalifətə qarşı polis reydlərində iştirak edir.—06D-
Cəmiyyət
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
-
Azərbaycanda uşaq ölümlərinin sayında artım olduğu bildirilir. Ötən il ilə bağlı rəsmi statistika hələ açıqlanmasa da, 2023-cü ildə 1 yaşınadək vəfat edən uşaqların sayı 2 min 39-a çatıb. Bu, 2022-ci illə müqayisədə 2.1 dəfə çoxdur. 1000 diri doğulan körpələrin ümumi sayında 1 yaşınadək vəfat edənlər 18.1 nəfər (1.8 faiz) təşkil edib.
-
Yanvarın 8-də Bakıda və Abşeron yarımadasında yağış yağacaq, bəzi yerlərdə intensiv olacaq. Günorta yağıntı kəsiləcək. Cənub-şərq küləyi əsəcək. Havanın temperaturu gecə 4-8, gündüz 8-11 dərəcə olacaq. Nisbi rütubət 75-85% təşkil edəcək.
-
Könüllülər Yeni il ərəfəsində “Bölüşək, sevindirək!” adlı növbəti xeyriyyə təşəbbüsünü həyata keçiriblər Dünya Azərbaycanlılarının Həmrəyliyi Günü və Yeni il münasibətilə “Azercell Könüllüləri” ənənəvi xeyriyyə aksiyası keçirib. “Bölüşək, sevindirək!” şüarı ilə təşkil olunan bu kampaniya çərçivəsində Könüllülər İkinci Vətən müharibəsinin şəhid və qazi ailələrinin, eləcə də aztəminatlı ailələrin uşaqlarını ziyarət edib və onlara bayram hədiyyələri təqdim ediblər. Ümumilikdə 200-dən çox uşağa bayram hədiyyələri çatdırılıb.
Rəy yaz