Açiq mənbələrdən foto.
Bakı/20.06.20/Turan: Jurnalist və fəal Elçin Həsənzadə həmkarlarına və Azərbaycanın vətəndaş cəmiyyətinə kömək xahişi ilə müraciət edib.
"Mən iki ildir Mingəçevirdə jurnalist fəaliyyətilə məşğulam. Bu il 9 may 2020-ci il tarixində fəal Ceyhun Rzayev ermənilərin Şuşada parad kecirməsinə etiraz əlaməti olaraq Mingəçevir şəhərində "1941-1945" abidəsinin qarşısında Məmməd Əmin Rəsulzadənin şəklini qaldırdığına görə yerli məmur tərəfindən saxlanılıb. Mən də bu prosesləri video çəkilişə almışam. Sonradan bildim ki, gənc fəalı şəhərin icra başçısı İlham İsmayılovun göstərişilə şərləyib həbsə atdıran Mingəçevir Kommunal İstehsalat Təsərrüfat idarəsinin rəisi Şəhriyar Mustafayevdir. O gündən bu gunə hər iki məmur artıq mənə şəhərdə yaşamağa imkan vermir", deyə Həsənzadə yazır.
Jurnalistin sözlərinə görə, əvvəlcə onu 8 saylı MİS rəisinin tələbi ilə kirayədə qaldığı mənzildən çıxarılıb. Sonra sosial şəbəkələrdə tənqidi nəşrləri ilə əlaqədar Mustafayevin Həsənzadəyə qarşı iddiası əsasında CM-in 147.1 (böhtan) və 148-ci (təhqir) maddələri ilə cinayət işi açılıb.
"Onlar məni ictimai asayişi pozan "radikal jurnalist" kimi qələmə verirlər", deyə Həsənzadə qeyd edir.
On günlər onun facebook səhifəsinə Mingəçeviri tərk etmək tələbi ilə təhqir və təhdid mesajları gəlir. Həsənzadə hesab edir ki, bu "trolların" arxasında şəhər rəhbərliyi durur.
Həsənzadə jurnalistlərdən və hüquq müdafiə təşkilatlarından onu müdafiə etməyi xahiş edir. O, Mətbuat Şurasının sədri Əflatun Amaşovun onun hüquqlarını müdafiə etmək çağırışlarına biganə yanaşdığını qeyd edib.
Jurnalist eyni zamanda hüquq-mühafizə orqanlarını onun təhlükəsizliyini təmin etməyə və günahkarları cəzalandırmağa çağırır.
Redaksiya bu məsələ ilə bağlı məlumatda adı çəkilən digər şəxslərin mövqeyini işıqlandırmağa hazırdır. -06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz