Açiq mənbələrdən foto.
Jurnalist həyat yoldaşının işdən çıxarılmasını onun nəşrləri ilə əlaqələndirib
Bakı/30.06.20/Turan: Jurnalist və fəal Elçin Həsənzadə həyat yoldaşının işdən çıxarılması ilə əlaqədar KİV-lərə və hüquq müdafiə təşkilatlarına müraciət edib.
Həsənzadənin sözlərinə görə, həyat yoldaşı Mingəçevir Su Kanalı İdarəsindən “ixtisar” bəhanəsi ilə çıxarılıb. Onun sözlərinə görə, 220 əməkdaş arasında ixtisar yalnız onun həyat yoldaşına şamil edilib.
O, mənim Mingəçevirdə korrupsiya haqqında nəşrlərimlə əlaqədar problem yaşayıb. Bunun arxasında şəhər rəhbərliyi durur. Onlar məni kirayə qaldığım mənzildən çıxarıblar, daha sonra isə məhkəməyə verərək, həbsimi tələb ediblər, indi isə həyat yoldaşımı işsiz qoydular, deyə Həsənzadə bildirib.
Həsənzadə “Yüksəliş info” saytının əməkdaşıdır, habelə sosial şəbəkələrdə insan hüquqları və məmurlar arasında korrupsiya mövzusunda materiallar dərc edir.-0-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz