Bu gün Abşeron rayon məhkəməsi “Azadlıq” qəzetinin əməkdaşı və “Azərbaycan saatı” internet verilişinin aparıcısı Seymur Həzini xuliqanlıqda təqsirli bilərək, 5 il müddətinə azadlıqdan məhrum edib.
Bu iş üzrə digər təqsirləndirilən şəxs – Həzini davaya təhrik edən Məhərrəm Həsənov cəmi 6 ay həbs cəzası alıb.
Jurnalistin vəkili Adil İsmayılov yekun sözündə bildirib ki, məhkəmə istintaqı zamanı müdafiə tərəfi bütün ittihamları və dəlilləri təkzib edib. Bundan başqa, iş üzrə şahidlər və “zərərçəkmişlər” ittihamları təkzib ediblər.
Normal məhkəmə Həziyə bəraəet verməlidir. Əks halda bu o deməkdir ki, jurnalist müxalifət partiyasının fəalı və hakimiyyətin tənqidçisi kimi siyasi motivlərlə təqib olunur.
Həzi özü bir daha bildirib ki, dünən istintaq təcridxanasında əlindən alınmış son sözünün mətnini ona qaytarmayıblar.
“1937-ci ildə babalarım repressiyaya məruz qalıb. İndi bizi KQB generalı Heydər Əliyevin yaratdığı sistem repressiyaya məruz qoyur. Bizim mübarizəmiz hakimiyyət və müxalifət mübarizəsi deyil, xeyir və şər mübarizəsidir. Dövlət hüquqa və ədalətə əsaslanır və biz Azərbaycanda dövləti bərpa edəcəyik”, deyə Həzi bildirib.
Daha sonra o, Azərbaycandakı rejimi Yakobin diktaturası ilə müqayisə edib, lakin hakim Şövkət Nəcəfova onun sözünü kəsərək, mahiyyəti üzrə danışmağa çağırıb.
Bununla belə, Həzi bildirib ki, “Azərbaycan saatı” verilişlərində hökumətin cinayətlərini ifşa etdiyinə görə onun həbsini İlham Əliyev özü və administrasiya rəhbəri Ramiz Mehdiyev sifarş edib.
Müşavirədən sonra hakim hökmü elan edib: Həzi 221.3-cü (xuliqanlıq) maddə ilə təqsirli bilinib və ümumi rejimli cəzaçəkmə müəssisəsində saxlanılmaqla, 5 il azadlıqdan məhrumetmə cəzası alıb.
Həsənov eyni maddə ilə cəmi 6 ay azadlıqdan məhrumetmə cəzası alıb.
Bir müddət əvvəl prokuror Həzinin 6 il, Həsənovun 9 ay müddətinə azadlıqdan məhrum edilməsini istəyib.
* 2014-cü il avqustun 29-da avtobus dayanacağında Məhərrəm Həsənov jurnalistə yaxınlaşıb və onu təhqir etməyə başlayıb. Daha sonra o, Həziyə hücum edib və onu döyməyə başlayıb. Özünümüdafiə məqsədilə Həzi hücumçuya əlindəki butılka ilə zərbə endirib. Elə həmin an polis gəlib, Həzini saxlayıb və şöbəyə aparıb.
Seymur Həzi müxalif “Azadlıq” qəzetinin aparıcı icmalçılarından biri, habelə ölkə hakimiyyətini kəskin tənqid edən “Azərbaycan saatı” internet televiziyasının aparıcısıdır. -1606D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz