![Anar Məmmədov](https://turan.az/resized/media/2019/main/070400020015-750-500-resize.webp)
Anar Məmmədov
Jurnalist yazılara görə polisə çağırılıb
Bakı/04.07.19/Turan: "Criminal.az" saytının redaktoru Anar Məmmədov iyulun 3-də Bakı Şəhər Baş Polis İdarəsinə çağırılıb. Onunla idarənin rəisi Mirqafar Seyidov və Cinayət-Axtarış İdarəsinin və paytaxt qarnizonun rəisləri söhbət ediblər.
Polisə çağırılmasına səbəb saytda dərc edilən iki yazı olub. Yazılardan biri Qarabağ Hərəkatının sədri Vasif Qurbanzadənin evində baş vermiş oğurluğun üstünün açılmamasıyla əlaqədar DİN rəhbəri Vilayət Eyvazova açıq məktubudur. Digər məqalədə qarətdə şübhəli bilinən şəxsin tutulub, bir gün sonra azadlığa buraxılmasından danışılıb.
A.Məmmədov qeyd edib ki, ona qarşı nəzakətlə davranıblar, hətta iradlarını mədəni şəkildə bildiriblər: "Düzdür, iddia etdilər ki, bu yazılarla polisə qarşı haqsızlıq edirəm, qərəzli davranıram. Amma heç bir kobudluq olmadı", - A.Məmmədov deyib.
Qeyd edək ki, hazırda A.Məmmədov şərti həbs cəzası çəkir. O, bu ilin martında dövlət əleyhinə çağırışlar, vəzifə səlahiyyətlərini aşma və vəzifə saxtakarlığı ittihamı ilə iki il sınaq müddəti olmaqla 5,5 il azadlıqan məhrum edilib.
Onun cinayət məsuliyyətinə cəlb edilməsinə "Criminal.az" saytında Gəncə şəhərinin keçmiş icra başçısı Elmar Vəliyevə sui-qəsd barədə yazıların dərci səbəb olub.
Bir sıra beynəlxalq jurnalist təşkilatları, habelə ATƏT-in KİV azadlığı üzrə nümayəndəsi Arlem Dezir A.Məmmədovun barəsində hökmü pisləyiblər. 16d06-
-
- Mədəniyyət
- 4 İyul 2019 12:47
-
- Maliyyə
- 4 İyul 2019 13:43
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz