![Jurnalistin apellyasiya şikayətinə baxılır](https://turan.az/resized/media/2016/main/071500162126-750-500-resize.webp)
Jurnalistin apellyasiya şikayətinə baxılır
Jurnalist Elçin Həsənovun bir il islah işləri cəzasına məhkum edilməsi barədə Nizami Rayon Məhkəməsinin hökmündən həm özü, həm də dövlət ittihamçısı narazıdır. Belə ki, həm jurnalist hökmdən şikayət verib, həm də prokuror cəzanın ağırlaşdırılması üçün protest verib.
İyulun 15-də Bakı Apellyasiya Məhkəməsində şikayət və protest üzrə ilkin baxış keçirilib.
Elçin Həsənov bildirib ki, barəsindəki hökmlə razı deyil və bəraət verilməsini istəyir. Onunla dövlət ittihamçısı Rizvan Şammədov arasında mübahisə yaranıb.
“Jurnalisti həbs eləmək heç bir dövlətə baş ucalığı gətirmir”, - Həsənov bildirib.
Məhkəmə prosesinə sədrlik edən hakim Əflatun Qasımov bildirib ki, bəraət məsələsi ilkin baxış iclasının predmeti deyil.
İş məhkəmə baxışına verilib və növbəti iclas iyulun 22-nə təyin olunub.
İyunun 1-də Nizami Rayon Məhkəməsi jurnalist Elçin Həsənovun barəsində xuliqanlıq ittihamı ilə hökm çıxarıb. Məhkəmə aylıq maaşının 20 faizi tutulmaqla E.Həsənovu 1 il islah işlərinə cəlb edib. Prokurorluq isə E.Həsənovun 3 il 6 ay müddətinə azadlıqdan məhrum edilməsini istəyib.
E.Həsənov ötən il keçmiş "Asiya" agentliyinin rəhbəri Cəfər Cəfərovun ona basqı göstərməsi ilə bağlı şikayət edib. Sonradan bu şikayət onun özünə qarşı çevrilib. Cəfər Cəfərov da indi dələduzluqda ittiham edilir.
Bu ilin martında E.Həsənova qarşı Cinayət Məcəlləsinin 221-1 maddə ilə cinayət işi açılıb. Sonra bu ittiham daha ağır maddə - 221-3 (soyuq silah tətbiq etməklə xuliqanlıq törətmək) ilə əvəzlənib.-03D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz