Bakı/28.10.19/Turan: Nəsimi rayon Məhkəmə Qərarlarının İcrası və Probasiya şöbəsi icraatında olmayan iş üzrə Azərbaycan vətəndaşının şəxsiyyət vəsiqəsindən istifadəsinə məhdudiyyət qoyub. Bu barədə Turan-a hüquqları məhdudlaşdırılan jurnalist Tatyana Kryuçkina bildirib.
Onun sözlərinə görə, məhdudiyyət təxminən bir ay əvvəl qoyulub.
“Bir neçə il əvvəl tanış adam bankdan kredit götürərkən onun üçün zamin durdum. Tanışım pulunu ödəyə bilmədi və təxminən bir il əvvəl "Azər Türk Bank" ASC borclunu və məni məhkəməyə verdi. Ölkədən çıxışıma qadağa qoyuldu. Lakin ilin əvvəlində prezident İlham Əliyev fiziki şəxslərin problemli kreditlərinin həllilə bağlı fərmanı imzalayandan sonra ölkədən çıxışıma qadağa götürüldü və iş məhkəmədən banka qaytarıldı. Fərmanda yazılıb ki, cari ilin sonuna qədər vətəndaş banka yaxınlaşmalıdır, orada kredit restukturizasiya edilib, təzə müqavilə imzalanmalıdır”, deyə jurnalist bildirib.
Amma bu müddətin başa çatmasını gözləmədən və bank məhkəməyə müraciət etmədən, Nəsimi rayon məhkəməsinin icra məmuru Murad Xudaverdiyev Kryuçkinanın şəxsiyyət vəsiqəsinə məhdudiyyət qoyub.
İş məhkəmədə deyilsə, hansı əsasla bu məhdudiyyəti qoyduğu haqqında suala cavabda məmur icra haqqında qanuna istinad edib. O, bankdan prezidentin fərmanının bu kreditə tətbiq edildiyi haqqında məktub tələb edib. Amma bu məktub bankdan məhkəməyə avtomatik gəlir.
Jurnalist hüquqlarının pozulması faktı ilə bağlı məhkəməyə müraciət etmək niyyətindədir.
Öz növbəsində, vəkil Əsabəli Mustafayev Turan-a bildirib ki, vətəndaşların şəxsiyyət vəsiqəsinə məhdudiyyət qoyulması qanunla qadağan edilib.
“İlk dəfədir bunu eşidirəm. Məhkəmə ölkədən çıxışa qadağa qoya bilər, mülkiyyəti siyahıya ala bilər, amma şəxsiyyət vəsiqəsinə məhdudiyyət qoymaq olmaz. Xüsusilə, nəzərə alsaq ki, iş məhkəmənin icraatından çıxıb”, deyə Mustafayev bildirib.
Ədliyyə Nazirliyinin İnsan Hüquqları və İctimaiyyətlə əlaqələr şöbəsindən Turan-a bildiriblər ki, vətəndaş icra məmurunun hərəkətlərindən Ədliyyə Nazirliyinə rəsmi şikayət verə bilər. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz