Bakı/14.06.17/Turan: İyunun 14-də Bakı Apellyasiya Məhkəməsi "Kanal 13" İnternet televiziyasının Bakının Nərimanov rayonunda yerləşən ofisində axtarış və götürməyə dair Nərimanov Rayon Məhkəməsinin 2 iyun 2017-ci il tarixli qərarından verilmiş şikayətə baxıb. Məhkəmə şikayəti təmin etməyib. Bu barədə vəkil Cavad Cavadov Facebook səhifəsində yazıb.
"Məhkəmənin qərarı ilə aparılan istintaq hərəkəti nəticəsində faktiki televiziya kanalının fəaliyyəti dayanıb. Çünki televiziyanın bütün avadanlığı istintaq tərfəindən götürülüb", - vəkil qeyd edib.
"Kanal-13" İnternet televiziyasının icraçı direktoru Əziz Orucov mayın 2-də polisin qanuni tələbinə tabe olmamaq ittihamı ilə bir ay müddətinə inzibati qaydada həbs edilib. İyunun 2-də isə Baş Prokurorluğun Ağır Cinayətlərə dair İşlər üzrə İstintaq İdarəsi Ə.Orucova qarşı Cinayət Məcəlləsinin 192.2.2-ci (böyük gəlir əldə etməklə qanunsuz sahibkarlıq) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə ittiham irəli sürüb. Nəsimi Rayon Məhkəməsinin qərarına görə, Ə.Orucovun barəsində 4 ay müddətinə həbs qətimkan tədbiri seçilib.
Ə.Orucov ittihamları qəbul etmir və həbsinin "Kanal-13" İnternet televiziyasının fəaliyyəti ilə bağlı olduğunu bildirir.
"Kanal 13" İnternet televiziyası 2008-ci il oktyabrın 10-dan yayımlanır.
"Kanal 13" saytı bildirir ki, özlərini digər efir məkanlarında azad ifadə etməyə imkan tapmayan QHT-lərin, hüquq müdafiəçilərinin, gənclər təşkilatlarının, ictimai birliklərin, digər qurum və təşkilatların nümayəndələrinə söz demək, həmçinin irqindən, dilindən, dinindən, cinsindən, milliyyətindən, siyasi mənsubiyyətindən asılı olmayaraq hamı üçün bərabər efir imkanı yaradır.-03B-
Cəmiyyət
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
Rəy yaz