![Arxiv](https://turan.az/resized/750/500/resize/media/2021/main/081000036720.jpg)
Arxiv
Karantin yenə sərtləşdiriləcək?
Bakı/10.08.21/Turan: Azərbaycanda son həftələr həm koronavirusa yoluxmada, həm də bu virus aşkarlananlar arasında ölüm hallarının artdığı bildirilir. Artıq bəzi media orqanlarının iddialarına görə, karantin yenə sərtləşdiriləcək.
Belə iddialar nə dərcədə realdir? Sərtləşdirmə olmalıdır, olmalıdırsa hansı formada olmalıdır?
Milli Məclisin Səhiyyə Komitəsinin üzvü Məlahət İbrahimqızı Turana bildirib ki, dünyada və Azərbaycanda koronavirusla mübarizə davam edir. «Nə qədər beynəlxalq səhiyyə təşkilatları, hökümətlər koronavirusla mübarizə ilə bağlı nə qədər operativ tədbirlər görsələr də, virusun ən müxtəlif ştamları üzə çıxır. Hər yeni ştam yeni müalicə, yeni taktika tələb edir».
Deputat qeyd edib ki, koronavirusla mübarizədə ən əsası peyvəndlənmədir. «Bu gün ölkəmizdə vaksinasiya aparılır, amma çox təəssüf ki, dövlət bu yöndə bütün gücünü, resurslarını səfərbər etsə də, bir qrup insan hələ də vaksinasiya olunmaqdan özlərini kənar tuturlar. Bu da nəyinki özləri üçün, başqa əhali üçün də təhlükəlidir».
Komitə üzvünün sözlərinə görə, bu gün aparılan statistika və təhlillər göstərir ki, xəstəxanada ağır vəziyyətdə olan koronavirus xəstələrin əksəriyyəti peyvənd almayanlardır. «Xəstəliyini yüngül keçirənlər isə vaksinasiyadan keçənlərdir. Hələ də elə ölkələr var ki, orada əhalinin heç 1 faizi peyvənd olunmayıb. Azərbaycanda isə müxtəlif növ vaksinlər var və bu dövlətin vətəndaşlara qayğının göstəricisidir. Mən vətəndaşlara müraciət edirəm, gəlin vaksinasiyadan keçin. Vaksinasiya prosesi nə qədər tez getsə, ölkəmizdə bu xəstəlik o qədər də tez yox olacaq».
İbrahimqızı vurğulayıb ki, Azərbaycanda xəstələnənlərin sayı artıq nəzərəçarpacaq qədər çoxdur. «Aparılan təhlillər də göstərir ki, avqustun axırına bu xəstələnmələrin sayı artacaq. Xəstələnmələrin sayı artdıqca ölüm halların sayı da artacaq. Əgər avqustun axırına qədər yoluxmalarının sayı çox artarsa təbii ki, hökümətimiz karantinin müəyyən sərtləşmələri, məhdudiyyətlər tədbiq etməyə məcbur olacaq».
Tibb üzrə fəlsəfə doktoru Vasif İsmayıl bildirib ki, hazırda karantinin sərtləşdirilməsinə ehtiyac yoxdur. «Əlbəttə ki, yoluxmalar kəskin şəkildə artarsa müəyyən məhdudiyyətlər tədbiq oluna bilər. Məsələn, kafe və restoranlarında insanların sayı ilə bağlı, bir yerə toplaşanların sayı ilə bağlı məhdudiyyətlər tədbiq edilə bilər, amma əvvəlki kimi sərt karantinin tədbiq edilməsinə ehtiyac görmürəm».—0—
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz