Keçmiş siyasi məhbusun anası özünü yandıracağı ilə hədələyir
Bakı/26.11.19/Turan: Keçmiş siyasi məhbus Rüfət Səfərovun anası Tahirə Tahirqızı Prezident Administrasiyasının önündə özünü yandıracağı ilə hədələyib. Bu barədə o, Facebook-da oğlunun ünvanına hədələrlə bağlı yazıb.
Ananın sosial şəbəkədə belə emosional çıxışının səbəbi odur ki, bir neçə gündür ki, naməlum şəxslər R.Səfərova telefon edərək onu yeni həbslərlə hədələyirlər.
R.Səfərov oktyabrın 19-da Bakıda keçirilən mitinqdə iştirak etdikdən sonra keçmiş müstəntiqə təzyiqlər yenidən başlayıb. Buna görə 30 sutka inzibati həbsə məruz qalıb. Azad edildikdən sonra naməlum şəxslər onu telefonla incitməyə başlayıblar.
R.Səfərov Turan agentliyinə bildirib ki, son vaxtlar bəzi müxalifət liderləri ilə görüşlər keçirib və bu, hakimiyyəti qıcıqlandırıb. Atasının keçmiş həmkarları vasitəsilə ona xəbər çatdırıblar ki, müxalifətdən aralanmasa onu həbs gözləyə bilər və yeni cəza və işgəncələr daha sərt olacaq. Son belə təhdid noyabrın 25-də anasının telefonuna gəlib.
“Onun halı pisləşdi. Qadına, anaya belə söz söyləmək indiki hakimiyyətin aşağılığını göstərir”, - o qeyd edib.
R.Səfərov deyib ki, onu qorxuda bilməzlər və o, öz mövqeyindən çəkilmək niyyətində deyil. Hakimiyyəti fəal tənqidçisi olaraq qalacaq və məhkəmədə öz hüquqlarını müdafiə edəcək.
Xatırladaq ki, R.Səfərov Müdafiə Nazirliyinin mətbuat xidmətinin keçmiş rəhbəri Eldar Sabiroğlunun oğludur.
2015-ci ildə R.Səfərovhakimiyyəti qanunsuz əməllərinə və korrupsiyaya görə tənqid etdiyinə görə prokurorluq orqanlarından çıxarılıb. Buna cavab olaraq ona qarşı rüşvət almaq ittihamı ilə cinayət işi açılıb. Məhkəmə onu 9 il azadlıqdan məhrum edib. R.Səfərovu siyasi məhbus kimi tanıyıblar. O bu ilin martında əfv edilib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz