Bakı/23.07.23/Turan: Azərbaycanın Kəlbəcər rayonunda avtomobil qəzaya uğrayıb, nəticədə bir hərbçi ölüb, digəri isə yaralanıb.
Azərbaycan Hərbi Prokurorluğunun mətbuat xidmətindən verilən məlumata görə, iyulun 22-də Müdafiə Nazirliyinin N saylı hərbi hissəsinə məxsus “MAZ” markalı avtomobil qəzaya uğrayıb.
Qəza nəticəsində baş əsgər Əliyev Emin Eldəniz oğlu hadisə yerində ölüb, leytenant Hüseynov Əli İlyas oğlu isə müxtəlif dərəcəli bədən xəsarətləri alıb.
Faktla bağlı Kəlbəcər Hərbi Prokurorluğunda araşdırma aparılır.—06B-
Cəmiyyət
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
Rəy yaz