Açiq mənbələrdən foto.
Bakı/01.12.21/Turan: Noyabrın 30-da Beyləqan rayonu, Aşağı Çəmənli kəndi ərazisində Beyləqan rayon polis şöbəsinin əməkdaşlarına qarşı zor tətbiq olunması ilə bağlı rayon prokurorluğuna məlumat daxil olub. Bu barədə dekabrın 1-də Baş Prokurorluğun yaydığı məlumatda deyilir.
Məlumata görə, Beyləqan rayon polis şöbəsinin post patrul xidməti bölməsinin əməkdaşları Mirsahib Abdullayev və Sarvan Çıraqzadə Aşağı Çəmənli kənd sakini Eldəniz Alışova yaxınlaşaraq üzərində olan ov tüfənginin qeydiyyat sənədlərini tələb ediblər. Alışov silahın qeydiyyat sənədlərinin olmadığını bildirib. Bu zaman polislər silahın təhvil verilməsini tələb ediblər. Alışov isə polis işçisi Sarvan Çıraqzadənin sağ ayağına atəş açaraq xəsarət yetirib, ikinci dəfə atəş açmağa cəhd etdikdə polis əməkdaşları silahı onun əlindən alıblar.
Hadisə ilə bağlı Beyləqan Rayon Prokurorluğunda Cinayət Məcəlləsinin 315-ci maddəsi (hakimiyyət nümayəndəsinə qarşı müqavimət göstərmə və ya zor tətbiq etmə) ilə cinayət işi başlanıb.
Hazırda cinayət işi üzrə istintaq davam edir.-05D-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz