KİVDDF 33 qəzetə 1.223.000 manat yardım ayırıb
Azərbaycan Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu (KİVDDF) 33 qəzetə maliyyə yardımı ayırıb.
KİVDDF-nin məlumatına görə, fondun Müşahidə Şurasının dekabarın 29-da keçirilən iclasında 2016-cı ilin birinci yarısı üçün qəzetlərə 1.223.000 manat yardım ayrılması barədə qərar qəbul edib.
Fondun rəhbəri Vüqar Səfərli bildirib ki, 34 qəzet müsabiqəyə sənəd təqdim edib.
“Müvafiq araşdırmalardan sonra “Zaman Azərbaycan” qəzeti istisna olmaqla, digər 33 qəzetin layihə təkliflərinin müsabiqənin şərtlərinə cavab verdiyi müəyyən edilib. “Zaman Azərbaycan” qəzetinin təqdim etdiyi sənədlər müsabiqənin şərtlərinə cavab vermədiyi üçün qəzetə maliyyə yardımı ayrılmayıb”, deyə o qeyd edib.
Beləliklə, Kaspi (azərbaycanca), Kaspi (rusca), Mövqe, Yeni Azərbaycan, Ədalət, “525-ci qəzet”, Səs, Bakı-xəbər, Yüni Müsavat, Ekspress, Palitra qəzetlərinin hər birinə 60 min manat, Palitra, Həftə içi, Azad Azərbaycan, Şərq, Xalq Cəbhəsi, Futbol+Qol, Bizim Yol, Olaylar 40 min manat, digər 14 qəzet isə 30 mindən 9 minədək yardım alıb.
Yardım verilən qəzetlərin böyük əksəriyyəti hökumətyönümlü qəzetlərdir. Müşahidəçilər bu nəşrlərin əksəriyyətinin yüksək vəzifəli məmurlar tərəfindən himayə olunduğunu güman edir. -03D-
Cəmiyyət
-
Mayın 21-də Bakıda və Abşeron yarımadasında hava şəraitinin dəyişkən buludlu, yağmursuz keçəcəyi gözlənilir. Səhər və axşam zəif duman olacaq. Şimal-qərb küləyi əsəcək. Havanın temperaturu gündüz 19-24 dərəcəyə qədər yüksələcək.
-
Bakıda Dövlət Yol Polisinin mobil patrulları taksi sürücülərini müvafiq icazələr əsasında işə cəlb etmək və taksidə yeni iş qaydalarını izah etmək üçün reydlər keçirirlər. Reydlərdə Azərbaycan Yerüstü Nəqliyyat Agentliyi (AYNA) iştirak edir, - Bakı Şəhər Dövlət Yol Polisi İdarəsi bildirir. Eyni reydlər Sumqayıt şəhərində də müşahidə olunub.
-
Uzun illərdir Xəzər dənizinin səviyyəsinin azalması həm hidroloqların, həm də geniş ictimaiyyətin ciddi narahatlığına səbəb olub. Azərbaycanda dəniz səthinin xeyli azalması Sumqayıtda və Bakı Dəniz Bulvarı boyunca dənizin dayazlaşması ilə özünü büruzə verirdi. Lakin son vaxtlar hava şəraiti yeni ümidlər yaradıb.
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
Rəy yaz