![Komitə sədri İranda görüşlərə başlayıb](https://turan.az/resized/media/2013/main/091500049745-750-500-resize.webp)
Komitə sədri İranda görüşlərə başlayıb
Dini Qurumlarla İş üzrə Dövlət Komitəsinin (DQDK) sədri Elşad İskəndərov İrana işgüzar səfərə yola düşüb.
Komitə sədri İranın mədəniyyət və islami irşad naziri Əli Cənnati, İranın Ali Dini liderinin müşaviri və s. şəxslərlə görüşüb. Görüşlərdə dini, mənəvi-mədəni, elmi sahələrdə İran - Azərbaycan əlaqələrinin mövcud durumu və inkişaf perspektivləri müzakirə edilib. Bu sahədəki problemlər, onların aradan qaldırılması yolları haqda fikir mübadiləsi aparılıb. Görüşlərdə komitə ilə İranın müvafiq qurumları arasında əməkdaşlığın aparılması istiqamətində konkret razılıqlar əldə edilib.
E.İskəndərov İran tərəfə Azərbaycanda məscidlərin sayının 17-dən 1800-dək artdığını, son 10 ildə 200-dən artıq məscidin inşa və bərpa olunduğunu nəzərə çatdırıb.
Hazırda dünyanı narahat edən dini zəmində radikal dini cərəyan və hərəkatların inkişafının qarşısının alınması sahəsində əməkdaşlıq perspektivləri, habeıə İranda dini təhsil alan azərbaycanlı tələbələrin problemlərinin həlliilə bağlı müzakirələr aparılıb. Komitə sədri Ermənistanın Azərbaycan torpaqlarını işğalı ilə bağlı nüfuzlu din xadimlərinə islam həmrəyliyi çərçivəsində münasibət bildirilməsinin vacibliyini xüsusi qeyd edib.
Nümayəndə heyəti səfər çərçivəsində bazar ertəsi Qumda şəhərində din xadimləri, Qum dini-elmi hövzəsinin rəhbərliyi, burada təhsil alan azərbaycanlı tələbələrlə görüşlər keçirməyi nəzərdə tutur.-05D-
-
- Siyasət
- 16 Sentyabr 2013 11:58
Cəmiyyət
-
Azərbaycan Milli Məclisinin deputatlığına namizəd Namizəd Səfərov Mərkəzi Seçki Komissiyasını (MSK) demokratik seçkilərin keçirilməsinə hazırlaşmamasını tənqid edib. Birinci Nərimanov seçki dairəsindən namizədliyini irəli sürən, Repressiya və İşgəncələrə Qarşı Komitənin koordinatoru olan Səfərov tərəfdarlarından uğurla imza topladıqdan sonra narahatlığını “Turan”a bildirib.
-
Kəlbəcər rayonunda yerləşən hərbi hissələrdən birinin əsgəri Qəhrəmanov Ərşadın intihar etməsi faktı ilə bağlı hərbi prokurorluqda araşdırma aparılır.
-
İyulun 30-da paytaxtda yağıntı gözlənilmir. Cənub-qərb küləyi əsəcək. Havanın temperaturu gündüz +28+32 dərəcə təşkil edəcək. Gündüz rütubət 65-75%-ə çatacaq.
-
Bakının Sabunçu Rayon Polis İdarəsinin 13-cü polis bölməsinin əməkdaşları telefonla dələduzluq edən paytaxt sakini, 1978-ci il təvəllüdlü Sergey Karnauxovu saxlayıb.
Rəy yaz