Açiq mənbələrdən foto.
Bakı/12.12.20/Turan: Xırdalanda modul tipli koronavirus xəstəxanasında kütləvi zəhərlənmə xəstə və tibbi personalın toyuq əti, bitki yağı və tərəvəzdən (pomidor) ibarət salat yeməsi səbəbindən baş verib. Bu salatı yeyənlərin hamısı -xəstələr və tibbi heyət xəstələnib. Zəhərlənmə əlamətləri ishal, qusma olub. Zərəçəkənlərin mədəsi yuyulub, qanı təmizlənib, ölən yoxdur. Dekabrın 9-da baş vermiş hadisənin təfərrüatlarını Turan-a xəstəxananın pasienti Rövşən Nistalzadə danışıb. Hazırda o bu tibb müəssisəsində koronavirusdan müalicəni davam etdirir.
R.Nistalzadə koronavirusdan müalicə üçün Xırdalan ixtisaslaşmış xəstəxanasında müalicə şəraitindən danışıb. Həkimlərə və digər işçilərə qarşı heç bir irad yoxdur, müalicə yüksək səviyyədə aparılır, sözügedən zəhərlənmə halı istisna olmaqla, yeməklər yaxşıdır.
Problem tibbi heyətin — həkimlər, tibb bacıları və sanitariya işçilərinin çatışmazlığıdır. Onlar təyin edilmiş prosedurları vaxtında həyata keçirməyə vaxt tapmırlar. Xəstəxana demək olar ki, doludur. Mütəxəssis çatışmazlığı var. Xırdalan klinikasında ultrasəs müayinəsi kabineti var, orada işləmək üçün Kubadan həkim təyin edilib. İngilisdilli əcnəbi bu sahədə mütəxəssis deyilmiş, - R.Nistalzadə deyib.
"İctimai tualetlərin çox çirkli olması narahatlıq yaradır. Dördnəfərlik palatanın öz tualeti yoxdur, adamlar dəhlizdə tualetlərdən istifadə edirlər. İstifadədən sonra xəstələr tualetləri çirklənmiş vəziyyətdə qoyurlar, təmizləmirlər və təmizlik işçiləri tualetləri təmizləməyə vaxt tapmırlar. Xəstələrin iradları ancaq özlərinə ola bilər- müalicə alanların sanitariya mədəniyyətinin olmaması heyrət doğurur. Bu, bizim ümumxalq problemimizdir", - R. Nistalzadə bildirib.
TƏBİB nümayəndəsi Turan-a bildirib ki, zəhərlənmənin nəticələri aradan qaldırılıb, xəstələr koronavirusdan müalicəni davam etdirirlər. Baş verənlərin istintaqı Qida Təhlükəsizliyi Agentliyində (AGTA) davam etdirilir, istintaq müvafiq qurumlarda aparılır. Onlarda başqa məlumat yoxdur. AGTA-dan istintaqın nəticələri barədə məlumat əldə etmək mümkün olmayıb.
Eyni zamanda digər mənbələrin məlumatına görə, dekabrın 9-da Bakının bir neçə tibb müəssisəsində qida zəhərlənməsi baş verib. R.Nistalzadənin sözlərinə görə, Xırdalan klinikasına qidalanmanın tədarükçüsü hansısa özəl şirkətdir. Görünür, bu şirkət öz məhsullarını bir yox, bir neçə tibb müəssisəsinə verir.0-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz