Bakı/13.08.18/Turan: Avqustun 11-də Bakının Nərimanov rayonundakı "Tonqal" restoranında 13 nəfər zəhərlənib.
Qida Təhlükəsizliyi Agentliyinin məlumatında deyilir ki, araşdırma zamanı müəyyən edilib ki, restoranda şam yeməyindən sonra müxtəlif masalarda əyləşən iki ailə üzvlərində zəhərlənmə əlamətləri yaranıb.
Zərərçəkənlərdən götürülən analizlər müayinəyə göndərilib. İlkin məlumatlara görə, zəhərlənməyə "sanitar-veterinar nəzarətindən keçməyən ət məhsulu" səbəb olub.
Epidemioloji araşdırmalar nəticəsində restoranda ərzaq təhlükəsizliyi qaydalarının ciddi pozulduğu aşkar edilib, məlumatda deyilir.
Araşdırmalar davam edir. Yekunlarla bağlı əlavə məlumat veriləcək.
Zəhərlənən 13 nəfərdən 11-i evə buraxılıb, iki azyaşlı uşağın müalicəsi davam edir. Onların səhhəti qənaətbəxşdir.-02D-
Cəmiyyət
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
-
Azərbaycan Baş Prokurorluğu və Səhiyyə Nazirliyi birgə bəyanat yayaraq bildirib ki, ölkədə praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının yoxlanılmasına başlanılıb.
Rəy yaz