Açiq mənbələrdən foto.
Bakı/09.08.23/Turan: Avqustun 9-da Laçın şəhərinə daha 23 ailə, o cümlədən 93 nəfər qayıdıb. Beləliklə, erməni işğalına son qoyulduqdan sonra doğma şəhərə qayıdan laçınlıların ümumi sayı 203 ailə (793 nəfər) olub.
Ümumilikdə, 2023-cü ilin sonunadək Laçın şəhərinə 700 ailənin köçürülməsi planlaşdırılır, Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov "Amerikanın səsi" radiosunun Azərbaycan xidmətinə bildirib.
O qeyd edib ki, yaxın həftələrdə Laçın rayonunun Zabux kəndinə də əhalinin qayıdışına başlanılacaq.
Artıq 20 ailə arasında evlərin bölüşdürülməsi üzrə püşkatma keçirilib.
Yaxın vaxtlarda ilk 144 ailə Füzuliyə qayıdacaq.
Laçın1992-ci ilin mayında ermənilər tərəfindən işğal edilmişdi. Azərbaycan, Ermənistan və Rusiya liderlərinin üçtərəfli bəyanatının şərtlərinə əsasən, 1 dekabr 2020-ci ildə Azərbaycana qaytarıldı.
Laçın şəhərinin, Zabux və Sus kəndlərinin verilməsi Ermənistandan Qarabağda erməni əhalinin yaşadığı hissəyə gedən yolun onlardan keçməsi səbəbindən təxirə salınmışdı.
2022-ci ilin avqustunda yan keçməklə yolu inşasından sonra Laçın və iki kənd də işğaldan azad edildi. 06B
Cəmiyyət
-
Otuz ildən artıq bir müddətdə Turan İnformasiya Agentliyi Azərbaycanda müstəqil jurnalistikanın dayağı olub, siyasi və iqtisadi qeyri-sabitlik şəraitində obyektiv və etibarlı xəbərlər təqdim edib. 1990-cı ildə - Sovet İttifaqının son günlərində yaradılan agentliyimiz, keçid dövrünün çətinliklərindən, müharibə və islahatlar dövrlərindən keçərək ictimai maraqları qorumağa sadiq qalıb.
-
Fevralın 14-də Bakıda və Abşeronda hava tutqun olacaq, yağış yağacaq. Şimal-qərb küləyi əsəcək. Havanın temperaturu gecə müsbət 2 + 4, gündüz müsbət 5 + 7 dərəcə olacaq. Rütubət 75-85 faiz olacaq.
-
Naxçıvan Baş Gömrük İdarəsinin "Culfa" gömrük postunda İrandan gələrək Azərbaycan ərazisindən tranzit keçməklə Türkiyəyə "PVC" yükü aparan nəqliyyat vasitəsi əsaslı yoxlamaya cəlb edilib. Keçirilən yoxlama zamanı nəqliyyat vasitəsinin yanacaq qatqısı çənindən və qızdırıcı sistemin çənindən maye halında 101 kq 400 qram psixotrop maddə - metamfetamin aşkar edilib
-
Bu il sertifikatlaşdırmaya 22 min xarici dil müəllimi və ötən il uğur qazana bilməyən 4 min müəllim cəlb ediləcək. Bu barədə fevralın 12-də Məktəbəqədər və Ümumi Təhsil üzrə Dövlət Agentliyinin (MÜDTA) direktoru Eşqi Bağırov jurnalistlərə açıqlamasında deyib.
Rəy yaz