Media icmalı -09.08.23

Ölkədə məktəbli formalarının satış yerləri , Ermənistanın Qarabağla bağlı ərazi iddiaları, Bakı metrosunun sabahkı iş rejimi bu gün (09.08.23) üçün əsas gündəm mövzulardan olub.

Anews.az saytında yayımlanan “Bakıda məktəbli formalarının satış məntəqələri açıqlanıb” sərlövhəli yazıda məktəblərdə tətbiq ediləcək formaların növləri və qiymətləri haqqında məlumat verilib. Müəllif qeyd edir ki, 2023-2024-cü tədris ilində ölkənin ümumi təhsil müəssisələrində vahid məktəbli geyimi tətbiq ediləcək. Məktəblər tərəfindən 4 rəngdə geyim formasından birinin seçilməsi nəzərdə tutulur. Yazıda məktəbli formalarının əldə ediləcəyi yerlər haqqında ətraflı məlumat verilib.

525-ci qəzet saytında yayımlanan “Tofiq Zülfüqarov: "Ermənistan Qarabağa ərazi iddialarını davam etdirmək istəyir" sərlövhəli yazıda Ermənistanın Qarabağ iddiaları haqqında danışılıb. Müəllif qeyd edir ki, Azərbaycanın müharibə bitdikdən dərhal sonra sülh çağırışlarına, normallaşma prosesi, sülh sazişinin imzalanması üzrə əməli addımlarına baxmayaraq, Ermənistan adekvat reaksiya vermir. Əvəzində Azərbaycan ərazisində yaşayan ermənilərin reinteqrasiyasına mane olur, Qarabağda hələ də mövcud olan qanunsuz silahlı birləşmələrə, separatçılara dəstək göstərir. Müəllif bu haqda  Azərbaycanın sabiq xarici işlər naziri Tofiq Zülfüqarovla danışıb. O qeyd edib ki, "həmsədrlər", o cümlədən, İran münaqişəyə regionun idarə olunmasında vasitə kimi baxır, onun davam etməsini istəyir. Bundan əlavə keçmişdə baş verən hadisələrdən nümunə gətirilib. “T.Zülfüqarov deyib ki, Rusiyanın reinteqrasiya prosesinə qarşı çıxacağı təqdirdə, hətta 2025-ci ilə qədər sülhməramlı qüvvələrinin Türk Dövlətləri Təşkilatı ölkələrinin üzvlərindən ibarət polis missiyası ilə əvəzlənməsi prosesinə start verilə bilər”.

"Ənənəvi stereotiplərlə qərar vermək dövrü arxada qalıb" sərlövhəli yazıda kənd təsərrüfatı ilə bağlı Kənd Təsərrüfatı Nazirliyi yanında Aqrar Tədqiqatlar Mərkəzinin direktoru Firdovsi Fikrətzadə ilə müsahibə qeyd olunub. Müsahibə zamanı kənd təsərrüfatının bölgələrimizdə inkişafı, qonşu ölkələrdə  baş verən hadisələrin kənd təsərrüfatına təsiri , kənd təsərüfatının gələcəyi haqqında danışılıb. lunmuş torpaqlarımızda 150 min hektar əkin sahəsinin olacağı proqnozlaşdırılır. Ümumi bu potensialın bizə inteqrasiyası başa çatdıqdan sonra kənd təsərrüfatında indikinə nisbətən 7-8 faiz həcmində artım yaradılması gözlənilir. Regionda həm də meyvə-tərəvəz istehsalında yeni bir trend yaranacaq.

Trend.az saytında yayımlanan “Sabah Bakı metrosunun bu stansiyaları gücləndirilmiş rejimdə işləyəcək” sərlövhəli yazıda Bakı metropoliteninin “Gənclik” metro stansiyasının iş rejiminə dəyişiklik ediləcəyi haqqında yazılıb. Müəllif qeyd edir ki, bunun səbəbi “Qarabağ” Futbol Klubunun Tofiq Bəhramov adına Respublika stadionunda keçirəcəyi beynəlxalq oyundur.

Sosial media

Azadlıqradiosu

Azərbaycanda bu il istirahət etmək ötən illə müqayisədə kəskin bahadır – Yazıda 2022-ci il və 2023-cü il üzrə olan göstəricilər qeyd olunub. Xarici ölkələrə uçuş qiymətləri, otel və ölkədaxil avtobusların   qiymətləri müzakirə olunub. Ölkədən kənar turlar 175 manat bahalaşıb.

Parlamentdə vəzifə başında vəfat edən deputatlar. – Müəllif qeyd edir ki, Azərbaycanda Milli Məclisdəki deputatların yarısı 60 yaşdan yuxarı şəxslərdir. Yaşı 40-dan az olan cəmi 9 nəfər var. Deputatların yarısının 60 yaşından yuxarı olduğu qeyd olunub.

MeydanTV

“Qubad ibadoğlunun FETÖ ilə bağlı olduğuna inanmıram, qorxaq adamdır,suyu belə üfürə-üfürə içir”.- Quubad İbadoğlunun həbsi haqqında Novella Cəfəroğlu fikirlərini bildirib. "Mən hesab edirəm ki, bu işi çox da şişirtmək lazım deyildi. Yəni daxildə həll etmək olardı. Ümumiyyətlə Qubad ibadoğlunun FETÖ ilə bağlı olduğuna inanmıram. Çünki o suyu belə üfürə-üfürə içir. Amma Türkiyənin bu işə qarışması bəzi suallar yaradır. İndi gözləyək, görək, sonu necə olacaq".