Lələtəpə istehkam məntəqəsinin ələ keçirilməsi Azərbaycan SQ-nin ciddi uğurudur

Ermənistan hərbiçilərinin Azərbaycanın hücumlarının uğursuzluğu, böyük və mənasız itkiləri haqqında bəyanatları erməni cəmiyyəti və beynəlxalq birliyin yanlış məlumatlandırılması üçün nəzərdə tutulub. Aprelin 2-4-də döyüş əməliyyatları zamanı Azərbaycan hərbi birləşmələri əla əməliyyat həyata keçiriblər, Füzuli və Cəbrayıl rayonlarının sərhədində olan Lələtəpə istehkam məntəqəsini talan ediblər. Bu, ciddi nəticənin və hərbiçilərin peşəkarlığının dəlilidir.

“Bu, iki rayonun dağ ətəklərinə qədər bütün aran hissəsini nəzarətdə saxlamağa imkan verən mühüm yüksəklikdir”, deyə Azərbaycan ordusunun əməliyyat haqqında məlumatı olan baş zabiti Turan-ın müxbiri ilə söhbətində bildirib.

Bu yüksəklikdən ermənilər daim Horadizi və digər kəndlərimizi atəşə tutur və təhlükə altında saxlayırdı. Yüksəklik yaxşı-yaxşı möhkəmləndirilib və eşelonlaşdırılıb.

“Bununla belə, bu istehkam məntəqəsinin ələ keçirilməsinə və talan edilməsinə kiçik itkilərlə nail olunub. Düşmən nə baş verdiyini dərhal anlamayıb, bunu dərk etdikdə isə yüksəkliyə artilleriyadan atəş açılmağa başlayıb.

Bu, xüsusi təyinatlıların etalon əməliyyatı idi, onunla fəxr etmək olar və biz dərslərdə kursantlarımıza bu əməliyyat haqqında danışacağıq”, deyə zabit bildirib.

Cəmi yüzlərlə metr yüksəkliyi olan bu yerin hərbi əhəmiyyəti haqqında suala cavabda zabit deyib ki, bu, 7-8 kəndin yerləşdiyi bu istiqamətdə düşmənin hərəkətinə nəzarət və onun qarşısının alınması üçün çox vacibdir.

Qeyd edək ki, yüksəklik Horadizdən – Füzuli rayonunun Azərbaycanın nəzarəti altında olan sonuncu qəsəbəsindən 6-7 km məsafədə yerləşir. -02В-