Bakı/29.11.19/Turan: Lerik Rayon Məhkəməsi Salyan rayonunun keçmiş icra başçısı Tahir Kərimovun AzToday.az saytının redaktoru Elmidar Əliyevə qarşı qaldırdığı iddianı təmin edib, onun mənəvi zərərə görə keçmiş məmura 2000 manat kompensasiya ödəməsi barədə qərar çıxarıb.
Jurnalist 15 dəqiqə davam edən məhkəmənin qərarı ilə razılaşmır. Hakim Atabəy Kiçibəyov hazırlıq iclasları da keçirməyib və cavabdehin etirazına baxmayıb.
İddiaya “Kərimovlar ailəsinin Londondakı sərvəti – sabiq icra başçısı ölkə xaricinə milyonlar daşıyıb ” başlıqlı məqalə səbəb olub.
Hakim məqalədəki məlumatların təkzib edilməsini bildirib. “Hakim Tahir Kərimovun şirkətləri və uşaqlarının daşınmaz əmlakları barədə məlumatları haradan aldığımı soruşduqda, Birləşmiş Krallığın reyestr strukturlarının saytlarını göstərdim. Ancaq belə təəssürat yarandı ki, hakimin müasir informasiya vasitələri haqda heç bir təsəvvürü yoxdur və yayılan məlumatları yoxlamadı.
Jurnalist apellyasiya şikayəti vermək niyyətindədir. –06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz