Bakı19/.04.17/Turan: Bu gün Bakı Apellyasiya Məhkəməsində Sülh və Demokratiya İnstitutunun direktoru Leyla Yunus və həyat yoldaşı Arif Yunusun barəsində hökmdən verilmiş şikayət üzrə məhkəmə prosesi keçirilib.
Vəkil Elçin Sadıqov Turan-a bildirib ki, bu şikayət Bakı Ağır Cinayətlər Məhkəməsinin 13 avqust 2015-ci il tarixli qanunsuz və əsassız hökmündən verilən apellyasiya şikayətilə bağlıdır.
Ali Məhkəmə 2016-cı il 27 dekabr tarixli qərarı ilə Bakı Apellyasiya Məhkəməsinin 9 dekabr 2015-ci il tarixli qərarını ləğv edərək yeni apellyasiya baxışına qaytarıb.
Bugünki məhkəmə prosesinə sədrlik edən hakim Mirpaşa Hüseynov Leyla və Arif Yunusların iştirakı məsələsini müzakirə edərkən vəkil Elçin Sadıqov deyib ki, bu işdə prokurorluğun protesti və ya zərərçəkmişin şikayəti olmayıb. Yəni, təqsirləndirilənlərin cəzasını ağırlaşdırmaq məqsədilə yuxarı instansiya məhkəməsinə şikayət verilməyib. Ona görə də apellyasiya baxışı onların iştirakı olmadan keçirilə bilər.
Dövlət ittihamçısı Abbas Abbaslı isə başqa fikir söyləyib: “Ali Məhkəmə öz qərarında apellyasiya baxışında məhkəmə istintaqının zəruriliyini qeyd edib. Məhkəmə istintaqı aparıldığı halda onların özlərinin iştirakı məqsədəuyğundur”.
Hakim bu məsələyə münasibət bildirməyib.
Daha sonra prosesdə Yunusların vəkili Elçin Sadıqov hakimdən cinayət işində olan sənədlərin sürətini istəyib.
Vəkil bildirib ki, sənədlər 300 səhifədən ibarətdir və həmin sənədlərlə tanış olmaq istəyir.
Onun sözlərinə görə Ali Məhkəmədə də bu haqda vəsatət qaldırıb, konkret istədiyi sənədlərin siyahısını da təqdim etmişdi. Amma Ali Məhkəmə vəsatətə münasibət bildirmədi: “Halbuki, müdafiə hüququnun təmin olunması baxımından bu vacibdir”.
Məhkəmə vəkilin vəsatətini təmin edib, sənədlərin ona verilməsi qərara alınıb.
Proses mayın 3-dək təxirə salınıb.
Sülh və Demokratiya İnstitutunun direktoru Leyla Yunus və onun həyat yoldaşı Arif Yunus 2014-cü ilin yayında həbs olunublar. Onlar vergidən yayınma və başqa iqtisadi cinayətlərdə ittiham ediliblər. Hüquq müdafiəçiləri ittihamları qəbul etməyiblər.
2015-ci il avqustun 13-də Bakı Ağır Cinayətlər Məhkəməsi Leyla Yunusu 8 il 6 ay, Arif Yunusu isə 7 il müddətinə azadlıqdan məhrum edib.
Həmin il dekabrın 9-da Apellyasiya Məhkəməsi həbs müddətini şərti cəza ilə əvəz edib. Aprelin 19-da cütlük müalicə məqsədilə Azərbaycanı tərk edib.-16d-
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz