Lidiya Şestak- Əliyeva: “İstəyirik ki, Putin bizim uşaqlarımızı və valideynlərimizi öldürməsin”

Bakıdakı “Soloxa” Ukrayna mətbəxi restoranının sahibi, Azərbaycanda Ukrayna Qadınları Birliyinin prezidenti Lidiya Şestak- Əliyeva 17 ildir ki, ölkəmizdə yaşayır. Əslən Donbasdandır. Azərbaycanlı ilə evli olan Lidiya deyir ki, övladı yarı ukraynalı, yarı azərbaycanlıdır 44 günlük müharibədə Qarabağda  Vətən Müharibəsi haqda həqiqətləri kütləvi informasiya vasitələrində yayıb.

Ukraynada Rusiya təcavüzünün başlaması ilə Lidiya yardım toplamaq üçün aktiv, demək olar ki, gecə-gündüz işə başlayıb. Həmçinin Azərbaycandan vaxtında gedə bilməyən ukraynalıları bakılıların evlərinə yerləşdirir. Ukraynadakı Azərbaycan təşkilatları ilə əməkdaşlıq edir. Azərbaycanlı tələbələrin valideynləri ona müraciət edərək övladlarının əməliyyat zonasından çıxarılmasına yardım göstərilməsini xahiş edirlər. O, Ukraynadakı könüllülərə məlumat verərək uşaqların təcili çıxarılmasını kömək edə bilib.

Çoxlu zənglərdən sonra saat 23:00-da Turan onunla əlaqə saxlaya bilib: "Hadisələrin ilk günündən mən dostlarımla restoranımda qərargah təşkil etdik. Ukrayna səfirliyi ilə əlaqə saxladıq. Azərbaycan, Ukrayna, Kanadada bir çoxları ilə  daim sutkanın 24 saatı telefon əlaqəsindəyəm. Saat fərqinə görə dincələ bilmirik, indi Kanadadan mesajlar gəlib. İş çoxdur, hər beş dəqiqədən bir yeni məsələ həll etmək, koordinasiya etmək lazımdır. Səfirlik hər gün yardım toplanma məntəqəsindən Ukraynaya humanitar yardım göndərir. Bağışlayın, danışmağa vaxt yoxdur".

Lidiyanın nitqi ağlamaqla kəsilir. O deyir ki, Ukraynadan azərbaycanlılar onları xilas etmək üçün zəng vurmağa başlayandan onun üzərinə böyük məsuliyyət düşüb.

"Müharibə başlayan kimi ilk gündən dostlarım və gələ bilməyənlərlə birlikdə operativ qərargah yaratdıq. İstəyən hər kəsi Ukraynadan çıxarmağa çalışdıq. Təkcə Ukraynanın Dnepropetrovsk vilayətində 80 min azərbaycanlı yaşayır.

Könüllülər yüklərin qablaşdırılması, çeşidlənməsi üçün gecə-gündüz işləyirlər. Adamlar lazım olan hər şeyi səfirliyin yanındakı toplama məntəqəsinə (“Dəstək Ukraina”) aparırlar. İşə Ukrayna səfirliyi və konsulluğu kuratorluq edir. Son vaxtlar ordu üçün daha çox yardım toplanılır.

"Bimirəm, Azərbaycan Respublikası daha nələr edə bilər. Dərhal ölkədən humanitar yardım – tibbi ləvazmat, dərman göndərildi. Bütün azərbaycanlıların qarşısında baş əyirəm. Bu cür həmrəylik, dəstək... Küçədəkilər məni saxlayır, yaxamdakı Ukraynaya dəstək nişanını görürlər və kömək etməyə çalışırlar, Ukrayna üçün daha nə edə biləcəklərini soruşurlar. Deyirlər: “Ukraynaya eşq osun!” Bizim çox yaxşı prezidentimiz var İlham Əliyev...

Biz bu ağılsızlığın tez bir zamanda bitməsini istəyirik. Uşaqlarımızı və valideynlərimizi itirmək istəmirik. Yaşıl şəhərlərimizi, gözəl meydanlarımızı dağıtmasınlar. Ən əsası adamları öldürməsinlər. Bir yerdə, bütün dünya ilə birlikdə Rusiyanın dəhşətli təcavüzünü dayandırmalıyıq.

Bilirəm ki, Azərbaycanda bizə kömək etmək istəyənlər çoxdur. Əgər Ukraynadan gələn yaralıları burada qəbul etmək, uşaqları ölkəmizdə istirahətə qəbul etmək, onlar üçün yay düşərgələri yaratmaq mümkün olsaydı...”, – Lidiya Şestak- Əliyeva Turan-a bildirib.

Lidiya Ukraynanın Mariupol şəhərindən göndərilmiş səsli mesajlardan birini Turan-a göndərib. Müharibənin altıncı günündə qeydə alınan səs yazısında Afaq adlı qadın şəhərin zirzəmisində gizlənən uşaq və qadınların xilas edilməsi üçün kömək istəyir.  "Mağazalarda heç nə yoxdur - dərman yox, istilik yoxdur, işıqlar söndürülüb. Ərzaq yoxdur. Mərkəzi rayonların birində məktəbə, bağçaya hücum ediblər, dünən məktəbə, yaşayış binalarına hücum ediblər. Mariupol qadınları xahiş edirlər ki, onları çıxarın...”

Fotoda Azərbaycanda yaşayan ukraynalılar lentlərdən dövlət bayrağının rənglərində qolbaqlar toxuyurlar. Qolbaqlar satılır, əldə olunan vəsait Ukrayna üçün xeyriyyə fonduna verilir. Biz bu qolbaqları Səudiyyə Ərəbistanına satmağa nail olduq, - Şestak- Əliyeva bildirib. "Biz bu qolbaqları toxuyuruq və sakitləşirik", - o əlavə edib.

Bu, onun Facebook səhifəsidir. Orada onun fotosu və videomüraciəti var.

https://www.facebook.com/lidiyas1

Fevralın 28-də videomüraciətdə ​​Lidiya çağırış edir: Dostlar! Vəziyyətimizə biganə qalmayanların hamısına dəstəyinizə və köməyinizə görə minnətdarlığımı bildirirəm. Ukraynanın Azərbaycandakı Konsulluğu ilə əməkdaşlıq şəraitində  Dnepropetrovsk vilayətinin Azərbaycan diaspor təşkilatının rəhbəri Nəcəf Əhmədovla birlikdə mənim restoranımda Bakıda #HelpUkraine operativ yardım qərargahı təşkil edilib. Biz ehtiyacı olan insanlara maksimum kömək etmək üçün birləşmişik. Həm humanitar, həm də maliyyə yardımı lazımdır, könüllülər və məlum səbəbdən Bakıya gələcək və ya burada qalacaq Ukrayna vətəndaşları üçün yaşayış yerləri lazımdır.

Ukraynanın Azərbaycandakı səfirliyi yardımların toplanması üçün xüsusi manat hesabı açıb.

Bankın adı:   Azərbaycan Beynəlxalq Bankı

​​Müştəri Xidməti Departamenti

Kod: 805250

VÖEN: 9900001881

Müxbir hesab: AZ03NABZ01350100000000002944

SWIFT​IBAZAZ2X

Müştərinin adı: EMBASSY OF UKRAINE (CONSULAR SERVİCES)

Hesab nömrəsi: AZ46IBAZ39010039449421362120

VÖEN: 9900051511