Mayın 12-də Pərviz Həşimlinin işi üzrə prosesdə prokuror çıxış edəcək

Mayın 5-də Bakı Ağır Cinayətlər Məhkəməsində Novruz Kərimovun sədrliyi ilə jurnalist Pərviz Həşimlinin işi üzrə məhkəmə iclasında məhkəmə sənədlərinin araşdırılması davam edib. Hakim  sübutların araşdırlması mərhələsində  ekspertiza  rəylərini oxuyub.

Bundan sonra  üzünü  təqsirləndirilən şəxslərə tutaraq bu  cinayət işi üzrə  hər hansı dindirilmə, üzləşdirmə,  baxış  protokolları ilə bağlı sənədlərin elan  olunub- olunmasını soruşub.

Bu zaman təqsiriləndirilən jurnalistin vəkili Bəhruz Bayramov  ibtidai istintaq zamanı çəkilən  videoçəkilişə baxmağı xahiş edib.

Məhkəmə  heyəti 17 sentyabr 2013  cil   Təvəkkül Qurbanovla Pərviz  Həşimlinin üzləşdirmə səhnəsinə   baxıb.  Jurnalist  bu videoçəkilşin təhrif olunduğunu  deyib. Üzünü Təvəkkül  Qurbanova tutaraq onun üzünə  tüpürüb.

Öz növbəsində hakim  jurnalistə  məhkəməyə  hörmətsizlikdə  suçlayıb. Bu zaman  Pərvizin  yaxınları da T.Qurbanovu sərt tənqid ediblər. Buna səbəbdən zalda gərginlik yaranıb. Hakim  qısa müddətə  fasilə elan edib.

Fasilədən sonra  hakim   məhkəmə istintaqını  bitmiş elan edib.

Dövlət ittihamısı  Rail İsmayılov  çıxış üçün vaxt istəyib.

Mayın 12-də  dövlət ittihamçısı  çıxış  edəcək.

Öz növbəsində vəkil Bəhruz Bayramov   jurnalistlərə  açıqlamasında  məhkəmə istintaqı zamanı verilən vəsatətlərin  təmin olunmadığını deyərək istintaqın  obyektiv aparılmadığını deyib

Bu bəyanatlardan sonra P.Həşimli özünü pis hiss edib və proses dayandırılıb. Növbəti iclas mayın 5-də keçiriləcək.

* Pərviz Həşimli 2013-cü il sentyabrın 17-də də MTN əməkdaşları tərəfindən həbs edilib. Martda həbs müddəti üç ay artırılıb. O 206.3.2 (qaçaqmalçılıq) və 228.2.1-ci (qanunsuz silah əldə etmək, saxlamaq) maddələri ilə ittiham olunur. Jurnalist özünü təqsirli bilmir, istintaq zamanı ondan bir sıra vəzifəli şəxslərə qarşı guya müxalifəti maliyyələşdirdikləri barədə ifadə alıblar. Ondan həmçinin AXCP lideri Əli Kərimliyə qarşı ifadə verməyi tələb ediblər. -16B--