Bakı/21.01.23/Turan: 20 yanvar tarixində Şəhidlər Xiyabanını ziyarət etdikləri üçün Müsəlman Birliyi Hərəkatının (MBH) 7 üzvünü keçmiş Nardaran məhbusu Etibar İsmayılov, inanclı fəal Həsən Abbaszadə, Qarabağ Qazisi Rasif Çırağov , Qarabağ Qazisi Alik Aslanov və ictimai fəallar İmran Məmmədli, Elçibəy Həsənbəyli və Nizami Əhməd polis bölməsinə aparılıb. Bu barədə MBH-dən bildiriblər.
Ötən gecə saxlanan 7 nəfərdən 4 nəfəri bu gün sərbəst buraxılsa da Həsən Abbaszadə, Nizami Əhməd və İmran Məmmədli haqqında məlumat verilmir.
Bu gün isə MBH-nin daha iki üzvü Tərlan Sayadov və Rövşən Əliyev polis bölməsinə aparılıb.
DİN-dən məlumat almaq mümkün olmayıb.—0--
Cəmiyyət
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
-
Yanvarın 14-də saat 12:30-da Dövlət Sərhəd Xidmətinin Sərhəd Qoşunları Komandanlığının "Horadiz" sərhəd dəstəsinin xidməti ərazisində ümumi çəkisi 37 kiloqram 396 qram narkotik vasitənin - marixuananın qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Yanvarın 22-də paytaxtda hava tutqun olacaq. Axşama doğru bəzi yerlərdə yağış yağacağı ehtimalı var. Səhər və axşam duman olacaq. Cənub-şərq küləyi əsəcək. Havanın temperaturu gecə 3-5 dərəcə, gündüz 8-10 dərəcə, nisbi rütubət 70-80% təşkil edəcək.
Rəy yaz